ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ގޮތްޕެއް، ދިވެހިރާއްޖޭގެ ޤައުމީ ޔުނިވަރސިޓީގެ ލ.ގަން ކެމްޕަހުގައި ޤާއިމުކޮށް، އެ ގޮފީގެ ފުރަތަމަ ހިންގާ ކޮމިޓީގެ މެންބަރުންނަށް މަޤާމުގެ ލިޔުން ހަވާލުކުރެވިފައިވަނީ 2017 ވަނަ އަހަރުގެ ސެޕްޓެމްބަރ 28 ވަނަ ދުވަހުގައެވެ. އެގޮތުން 2018 ވަނަ އަހަރުގެ އަހުރަ ގޮފީގެ ދެވަނަ ހިންގާ ކޮމެޓީގެ މެންބަރުންނަށް މަގާމުގެ ލިޔުން ހުކުރު ދުވަހުގެ {2 މާރޗް 2018} 8:30 ގައި ބޭއްވުނު ރަސްމިއްޔާތުގައި ވަނީ ހަވާލުކޮށްދެއްވާފައެވެ.
މި ރަސްމިއްޔާތުގައި ގަން ކެމްޕަހުގެ އެމް.އެން.ޔޫ.އެސް.ޔޫ ގޮފީގެ މެންބަރުންނަށް މަޤާމުގެ ލިޔުން ޙަވާލުކޮށްދެއްވީ ރަސްމިއްޔާތުގެ ޝަރަފުވެރި މެޙެމާން އިހައްދޫ ސްކޫލުގެ ޕްރިންސިޕަލް އަލްފާޟިލް މުހައްމަދު ނަޒީލުއެވެ. މިރަސްމިއްޔާތުގައި 2018 ވަނަ އަހަރުގެ އަހުރަ ކޮމެޓީގެ ރައީސް އަލްފާޟިލް ޔޫސުފް އާމިރުގެ އިތުރުން ކުރީގެ ގަން ކެމްޕަހުގެ އެމް.އެން.ޔޫ.އެސް.ޔޫ ގޮފީގެ ނައިބު ރައީސް (އެކްޓިވިޓީ) އަލްފާޟިލާ އައިޝަތު ނަޞީރާ ވާހަކަފުޅުދައްކަވާފައިވެއެވެ. މީގެ އިތުރުން އެމް.އެން.ޔޫ ގަން ކެމްޕަހުގެ މެނޭޖަރު އަލްފާޟިލާ ފާތިމަތު ޝާހިދާ އާއި ސީނިއަރ އެޑްމިނިސްޓްރޭޓިވް އޮފިސަރ އަލްފާޟިލް އަބްދުއްރަޝީދު ވަނީ މިރަސްމިއްޔާތުގައި ބައިވެރިވެވަޑައިގެންފައެވެ.
2 ވަމާރޗު 2018ވީ ހުކުރުދުވަހުގެރޭ ވަނީ ކުޅުދުއްފުށީ ކެމްޕަސް އަދި ހިތަދޫ ކެމްޕަހުގެ އިތުރުން ތިނަދޫ ކެމްޕަސްގައި މުޅީން އަލަށް އެމް.އެން.ޔޫ.އެސް.ޔޫގެ ގޮފިތައް ގާއިމުކޮށްފައެވެ. ނަމަވެސް ލ.ގަން ކެމްޕަހުގައި އިފްތިތާޙު ކޮށްފައިވަނީ އަހުރަ ގޮފީގެ ދެވަނަ ދައުރުގެ ހިންގާ .ކޮމެޓީއެވެ
