’ދަ ޕްރޮޑިޖީ‘ ނަމަކަށް ކިޔާ ފިލްމަކީ ބިރުވެރި، އަދި ރޫހާނި ބާރު ދައްކުވައިދޭ، ހީބިހި ނަގާފަދަ އެތައްމަންޒަރުތަކެއް ހިމެނޭ ފިލްމެކެވެ.7 ފެބްރުއަރީ 2019ގައި ރިލީސްކުރެވުނު، އެއްގަޑިއިރާއި އެއްތިރީސް މިނިޓްގެ މިފިލްމަކީ ގިނަ ބައެއްގެ މަގުބޫލުކަން ހޯދާފައިވާ އަދި ހީނުކުރާ ފަދަ ގޮތަކަށް ނިމިގެންދިޔަ ފިލްމެކެވެ.
އެސްޓާއިން 3 މެއި ވީ ހުކުރު ދުވަހުގެ ރޭ، ސެންޓަރ ފޮރ ފައުންޑޭޝަން ސްޓަޑީސްގެ އޮޑިޓޯރިއަމް ގައި ބޭއްވުނު މި މޫވީ ނައިޓްގައި އެކި ފެކަލްޓީތަކުގެ ދަރިވަރުން ބައިވެރިވެފައިވާކަން ފާހަގަކޮއްލެވެއެވެ. އަދި މި މޫވީ ނައިޓްއަކީ އެސްޓާއިން ބޭއްވި ފުރަތަމަ މޫވީ ނައިޓް ކަމަށްވެފަ، ގިނަ އަދަދެއްގެ ދަރިވަރުން ބައިވެރިވުމަކީ އެސްޓާގެ ހިންގާ ކޮމިޓީއަށް ފަޚުރެކެވެ.
މި މޫވީ ނައިޓް ޙާއްޞަވެފައި ވަނީ ބޭނުން ކުރެވިފައިވާ ޓެކްނޮލޮޖީގެ ސަބަބުންނެވެ. ޓިކެޓްގައިވާ ބާރ ކޯޑް ސްކޭން ކުރުމުން އެއްފަހަރު ބޭނުން ކޮށްފައިވާ ޓިކެޓްއެއް ދެވަނަ ފަހަރަށް ބޭނުން ކުރުމުގެ ފުރުސަތެއް އަދި ޓިކެޓް ފޯޖް ކުރުމުގެ ފުރުސަތު ވަރަށް ބޮޑަށް ހަނި ވެގެންދެއެވެ. އެސްޓާގެ ދަރިވަރުންގެ ތެރެއިން ޓެކްނޮލޮޖީގެ ދާއިރާއިން ކުރިއަރަމުންދާ، ތަރައްޤީ އާއި ތަޙުޒީބު އަދި އެންމެ ފަހުގެ ވަޞީލަތްތަކަށް އާންމުން ހޭލުންތެރި ކުރުމަށް ޝައުޤުވެރިވާ ދަރިވަރެއް ގެނައި މިތަރައްޤީ އަކީ މުސްތަޤުބަލުގައި ފުޅާ ދާއިރާއެއްގައި ބޭނުން ކުރެވިގެންދާނެ ޓެކްނޮލޮޖީއެކެވެ.
އެސްޓާގެ ހިންގާ ކޮމިޓީއިން މިފަދަ މޫވީ ނައިޓް، މިއަށްފުރެ ފުރިހަމަކޮށް ކުރިއަށް އޮތްތާންގައި ބޭއްވުމަށް މަސައްކަތް ކުރާނެކަމަށް ވިދާޅުވިއެވެ.
