އެމް.އެން.ޔޫ.އެސް.ޔޫ މާލެ ކެމްޕަހުގެ ގޮފިތައް އިފްތިތާޙުކުރުމަށް ބޭއްވުނު ރަސްމިއްޔާތުގައި ބީއެސްއެސްއޭގެ އަށްވަނަ ދައުރުގެ ހިންގާ ކޮމެޓީގެ މެމްބަރުންނަށް މަޤާމްތައް ހަވާލުކޮށްދެއްވައިފިއެވެ.
ބީ.އެސް.އެސް.އެސް.އޭގެ ރައީސްކަމަށް ހޮވުނު މުހައްމަދު ޔާސިރު މޫސާއަށް މަޤާމު ޙަވާލުކޮށްދެއްވީ ރަސްމިއްޔާތުގެ ޝަރަފުވެރި މެޙްމާން، މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަމަންޓްގެ ސީނިއާ ޕޮލިސީ ޑިރެކްޓަރ އަދި ޖަމިއްޔާތަކުގެ ރެޖިސްޓްރާރ އަލްފާޟިލް އަޙްމަދު އިރާޝެވެ. ނައިބު ރައީސާ (ޢިލްމީ)ގެ މަޤާމަށް ހޮވުނު މަޖުނާ އަހުމަދަށް މަޤާމު ޙަވާލުކޮށްދެއްވީ އެމް.އެމް.ޔޫގެ ވައިސް ޗާންސެލަރ ޑރ. މުޙައްމަދު ޝަރީފެވެ. އަދި ނައިބު ރައީސް (އަމަލީ)ގެ މަޤާމަށް ހޮވުނު އިޒުހާމް އަލީއަށް މަޤާމު ހަވާލުކޮށްދެއްވީ އެމް.ޓީ.ސީ.ސީގެ ޗީފް އޮޕަރޭޓިންގ އޮފިސަރ އަލްފާޟިލް ޝާހިދު ޙުސައިން މޫސާއެވެ.
ބީ.އެސް.އެސް.އޭގެ ރައީސް | މުހައްމަދު ޔާސިރު މޫސާ ބީ.އެސް.އެސް.އޭގެ ނައިބް ރައީސް (އަމަލީ) | އިޒްހާމް އަލީ ބީ.އެސް.އެސް.އޭގެ ނައިބް ރައީސް (ޢިލްމީ) | މަޖުނާ އަހުމަދު
މީގެ އިތުރުން ސެކްރެޓަރީގެ މަޤާމަށް އައިޝަތު އީފާ އިބްރާހިމް ހޮވުނު އިރު މަޤާމު ޙަވާލުކޮށްދެއްވީ މިނިސްޓްރީ އޮފް ހޯމް އެފެއާޒްގެ ޑެޕިއުޓީ ޑިރެކްޓަރ އަލްފާޟިލް ޢައްބާސް މުޙައްމަދު ކަމަށްވާއިރު، ޚަޒާންދާރުގެ މަޤާމަށް ހޮވުނު އަހުމަދު ޝާހީއަށް މަޤާމު ޙަވާލުކޮށްދެއްވީ އެމް.އެން.ޔޫގެ ޑެޕިއުޓީ ވައިސް ޗާންސެލަރ އަލްފާޟިލް ޙުސައިން ޙަލީމެވެ. އަދި މީޑިއާ ކޯޑިނޭޓަރު ކަމަށް ހޮވުނު ފާތިމަތު ޒަހްރާއަށް މަޤާމު ހަވާލުކޮށްދެއްވާފައިވަނީ އެމް.އެން.ޔޫގެ ޑެޕިއުޓީ ވައިސް ޗާންސެލަރ އަލްފާޟިލާ ޢާއިޝަތު ޝާހީން އިސްމާޢީލެވެ.
ބީ.އެސް.އެސް.އޭގެ ސެކްރެޓަރީ | އައިޝަތު އީފާ އިބްރާހިމް ބީ.އެސް.އެސް.އޭގެ ޚަޒާންދާރު | އަހުމަދު ޝާހީ ބީ.އެސް.އެސް.އޭގެ މީޑިއާ ކޯޑިނޭޓަރު | ފާތިމަތު ޒަހްރާ
ބީ.އެސް.އެސް.އޭގެ މިއަހަރުގެ އަމާޒަކީ ފާއިތުވި އަހަރުތަކަށްވުގެ ރަގަޅު ކާމިޔާބު ޙަރަކާތްތަކެއް އިންތިޒާމްކޮށް ހިންގުމެވެ. އަދި ބީ.އެސް.އެސް.އޭ އިތުރު ހަރުފަތަކަށް ގެންދިޔުމެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
