ޖުމްލަ 15 ޓީމާއެކު ފެށި ބީއެސްއެސްއޭ ފުޓްސަލް ފިއެސްޓާގެ ސެމީ ފައިނަލްގެ މެޗުތައް މިއަދު ހަވީރު 3:45 ގައި ފެށޭނެއެވެ.
ފިރިހެން ޑިވިޝަންއިން 10 ޓީމެއް ނުކުމެފައިވާއިރު ސެމީ ފައިނަލަށް ދަތުރުކުރީ ބެޗްލާރސް ޔުނައިޓެޑް (މެން)، އަސްހާބް، ނުރޯދަރި އަދި ލެޖެންޑްސް އޮފް ޕްރޮފެސާސްއެވެ. އަދި އަންހެން ޑިވިޝަންއިން ޓީމް އެވަގްރީން ފައިނަލް ކަޝަވަރުކޮށްފައިވާއިރު ސެމީ ފައިނަލްގައި މި ޑިވިޝަންއިން ވާދަކުރާނީ ބެޗްލާރސް ޔުނައިޓެޑް (ވޮމެން) އަދި ޓީމް އެމްބީއޭ އެވެ.
ފިރިހެން ޑިވިޝަންގެ ދެމެޗު އެންމެ ފުރަތަމަ ކުޅޭއިރު ފުރަތަމަ މެޗުގައި ބައްދަލުކުރާނީ ބެޗްލާރސް ޔުނައިޓެޑް (މެން) އަދި އަސްހާބް އެވެ. ބެޗްލާރސް ޔުނައިޓެޑް (މެން) ޖުމްލަ 12 ޕޮއިންޓާއެކު ސެމީއަށް ދަތުރު ކުރިއިރު އަސްހާބް ވަނީ 7 ޕޮއިންޓް ހޯދާފައެވެ. އަދި ދެވަނަ މެޗުގައި ޖުމްލަ 10 ޕޮއިންޓް ލިބިގެން ނުރޯދަރި ކުޅޭއިރު، ލެޖެންޑްސް އޮފް ޕްރޮފެސާސް މިޓީމާއި ބައްދަލުކުރަނީ ޖުމްލަ 9 ޕޮއިންޓާއެކު ސެމީ ފައިނަލްއަށް ގޮސްގެނެވެ.
އަންހެން ޑިވިޝަންގެ ބެޗްލާރސް ޔުނައިޓެޑް (ވޮމެން) އަދި ޓީމް އެމްބީއޭ ސެމީ ފައިނަލްއަށް ގޮސްފައިވަނީ ދެޓީމަށްވެސް ޖުމްލަ 5 ޕޮއިންޓް ލިބިގެނެވެ.
ބީއެސްއެސްއޭގެ ފުޓްސަލް ފިއެސްޓާއަކީ އަކީ ބީއެސްއެސްއޭ ފަރާތުން އިންތިޒާމުކޮށްގެން ބާއްވާ އެންމެ ބޮޑު އެއް ޙަރަކާތެވެ. އެމްއެންޔޫ ބިޒްނަސް ސްކޫލްގެ ދަރިވަރުންގެ މެދުގައި ބޭއްވެމުން އަންނަ މިމުބާރާތަށް ގިނަ އަދަދެއްގެ ދަރިވަރުންގެ ތަރުހީބު ލިބެމުންދެއެވެ. މިއަހަރުގެ މުބާރާތް ކުރިއަށްދާނީ 30 އޯގަސްޓް 2019ން ފެށިގެން 31 އޯގަސްޓް 2019 އަށެވެ. މުބާރާތް ކުރިއަށްގެންދިއުމަށް ހަމަޖެހިފައިވަނީ ޓްރެފިކް ޕޮލިސް ކުރިމަތީގައި އެކުވެނި ސްޕޯޓްސް ކޮމްޕްލެކްސްގައި އޮންނަ ވެލި ދަނޑުގައެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
