ކޮންމެ ޓާރމް އަކުން ވެސް ލ.ގަން ކެމްޕަސްގައި އަލަށް ކޯސްތަކަށް ބައިވެރިވާ ދަރިވަރުންނަށް މަރުހަބާ ކިޔުމުގެ ގޮތުން ކެމްޕަސްގެ މެނޭޖްމަންޓް އަދި އަހުރަ ގޮފިން ގުޅިގެން ފްރެޝާސް އިވްނިންގ އެއް ބާއްވައެވެ.މިފަހަރުގެ ފްރެޝާސް އިވްނިންގ ބާއްވާފައިވަނީ މިއަދު (27 އޯގަސްޓް 2018)4:15 ގައެވެ.
މިއީ ލ.ގަން ކެމްޕަސްގައި ބޭއްވުނު ދެވަނަ ފްރެޝާސް އިވްނިންގ އެވެ. ފްރެޝާސް އިވްނިންގ ބޭއްވުމުގެ މައިގަނޑު މަޤްސަދަކީ ކެމްޕަސްގެ ކޯސްތަކަށް އަލަށް ބައިވެރިވާ ދަރިވަރުންގެ މެދުގައި ގުޅުން ބަދަހިކޮށް އެކުވެރިކަމާއި އެކީ ކިޔެވުމުގެ މާހައުލެއް އޮތްކަން އަންގައިދިނުމެވެ.
ފްރެޝާސް އިވްނިންގ ގެ ބައިވެރިންނަށް މަރުޙަބާ ދެއްނެވުމުގެ ގޮތުން ލ.ގަން ކެމްޕަސްގެ ސީނިއަރ އެޑްމިނިސްޓުރޭޓިވް އޮފިސާރ އަލްފާޟިލް އަބްދުލް ރަޝީދު ވަނީ ވާހަކަފުޅު ދައްކަވާފައެވެ.އަދި އަހުރަ ގޮފީގެ ފަރާތުން ނައިބް ރައީސް އިބްރާހިމް ރަޝީދު ވަނީ ވާހަކަފުޅު ދައްކަވާފައެވެ.
2018 ވަނަ އަހަރު ދެވަނަ ޓާރމް ގެ ފްރެޝާސް އިވްނިންގ ގައި ސުކޫލް އޮފް ނާރސިން،ސެންޓަރ ފޯ އޯޕަން ލާނިންގެ ދަރިވަރުން އަދި ފެކަލްޓީ އޮފް އެޑިއުކޭޝަން ގެ ދަރިވަރުން ބައިވެރިވެފައިވެއެވެ.ގިނަ ބައެއްގެ ތަރުހީބް ލިބިގެން ދިޔަ މި ފްރެޝާސް އިވްނިންގ ގައި ކެމްޕަސްގެ ބައެއް އިސް މުއައްޒަފުން ވަނީ ބައިވެރިވެފައެވެ.އަދި ފްރެޝާސް އިވްނިންގ ގެ ބައިވެރިންގެ އަރިހުގައި ސައިފޮދެއް ވަނީ ބާއްވައިފައެވެ. އަދި މިއިވެންޓު ރޭވުމުގެ އިތުރުން މިއިވެންޓް އިތުރަށް ފުރިހަމަ ކުރުމުގެ ގޮތުން މަލީގޮތުން އަދި ފަންނީ ގޮތުންވެސް އަހުރައިންވަނީ އެހީތެރިކަން ފޯރުކޮށްދީފައެވެ.
ފްރެޝާސް އިވްނިންގ ނިންމާލުމުގެ ގޮތުން ހަވީރަށް ޙާއްސަ ކުރެވިގެން ފޮޓޯ ސެޝަން އެއް ވަނީ ކުރިއަށް ގެންގޮސްފައެވެ.މި ފޮޓޯ ސެޝަން ގައި ކެމްޕަސްގެ ހީވާގި މުއައްޒަފުން ވެސް ވަނީ ބައިވެރިވެ ވަޑައިގެންފައެވެ.މި ފޮޓޯ ސެޝަން ވެގެން ދިޔައީ ފްރެޝާސް އިވްނިންގ އިތުރަށް ފުރިހަމަ ވެގެން ދިޔަ ކަމަކަށެވެ.
