ދިވެހިރާއްޖޭގެ ގައުމީ ޔުނިވާސިޓީގެ ގިނަ ފެކަލްޓީތަކެއް ބައިވެރިވެގެން ކުރިއަށް ގެންދާ ”އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތް 2019″ގެ ފިރިހެން ޑިވިޝަނުގައި 23 އެޕްރީލް 2018ވީ އަންގާރަދުވަހުގެރޭގެ މެޗުތަކަށް ބަލާއިރު ސީ.އެފް.އެސް، ފެސްޓް، އަދި ބީ.އެސް އިން މުބާރާތުގައި ކުޅުނު ފުރަތަމަ މެޗުން މޮޅުވެއްޖެއެވެ.
މުބާރާތުގައި ކުޅުނު ފިރިހެން ޑިވިޝަނުގެ ފުރަތަމަ މެޗުގައި ބައްދަލުކޮށްފައިވަނީ އެފް.އީ އަދި ސީ.އެފް.އެސް އެވެ. ފުރަތަމަ ސެޓުގައި (9 – 25) ސެންޓަރ ފޯ ފައުންޑޭޝަން(ސީ.އެފް.އެސް)ކުރި ހޯދިއެވެ. ދެވަނަ ސެޓުވެސް (18 – 25)އިން ކާމިޔާބުކޮށް ސީދާ ދެ ސެޓުން ސީ.އެފް.އެސް މެޗު ކާމިޔާބުކުރި އެވެ.
މިމެޗުގެ އެންމެ މޮޅު ކުޅުންތެރިޔާއަށް ހޮވިފައި ވަނީ ސީ.އެފް.އެސްގެ ޖާޒީ ނަންބަރު 12 ހުސައިން ޝާހު އެވެ.
ދެވަނަ މެޗުގައި ބައްދަލުކޮށްފައި ވަނީ ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ (ފެސްޓް) އަދި ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (އެފް.އެޗް.ޓީ.އެސް) އެވެ. މި މެޗު 2-1 މެޗު ކާމިޔާބު ކޮށްފައި ވަނީ ފެސްޓް އެވެ. ފުރަތަމަ ސެޓުގައި (25 – 23)އިން ކުރި ހޯދީ ފެސްޓުންނެވެ. ދެވަނަ ސެޓު (23 – 25) އިން އެފް.އެޗް.ޓީ.އެސް ކާމިޔާބުކޮށް ނަތީޖާ ހަމަހަމަ ކުރިއެވެ. ނަތީޖާ ނެރުމަށް ކުޅުނު ފަހު ސެޓު (15 – 13) އިން ކުރި ހޯދާ މޗު ކާމިޔާބު ކުރީ ފެސްޓް އެވެ. އަދި މިމެޗުގެ އެންމެ މޮޅު ކުޅުންތެރިޔާއަށް ހޮވިފައި ވަނީ ފެސްޓްގެ ޖާޒީ ނަންބަރު 3 އަބްދުﷲ ނާފިޢު އެވެ.
އެރޭގެ ތިންވަނަ މެޗުގައި ބައްދަލުކޮށްފައިވަނީ އެމް.އެން.ޔޫ ބިޒްނަސް ސްކޫލް އަދި ސްކޫލް އޮފް ނާރސިން (އެސް.އެން) އެވެ. މި މެޗުގެ ފުރަތަމަ ސެޓު 25-20ގެ ނަތީޖާއަކުން އެމް.އެން.ޔޫ.ބީ.އެސް އިން ކާމިޔާބުކޮށްފައިވަނިކޮށް، 2 ވަނަ ސެޓު 25 – 22ގެ ނަތީޖާއަކުން ހޯދާ އެސް.އެން އިން ނަތީޖާ ހަމަހަމަކުރިއެވެ. އެހެން ނަމަވެސް ކުޅުން ރަނގަޅުކޮށް ފަހު ސެޓު 15 – 7ގެ ނަތީޖާއަކުން ފަސޭހަކަމާއެކު ހޯދައި، މެޗު ކާމިޔާބުކުރީ އެމް.އެން.ޔޫ.ބީ.އެސް އެވެ. މި މެޗުގެ އެންމެ މޮޅު ކުޅުންތެރިޔަކަށް ހޮވިފައިވަނީ އެމް.އެން.ޔޫ ބިޒްނަސް ސްކޫލްގެ ޖާރޒީ ނަންބަރ 05 މޫސާ އަރުޝާން މުޙައްމަދެވެ.
މި މުބާޜާތުގެ މެޗުތައް ބުދަދުވަހުގެރޭ (24 އޭޕްރީލް 2019) ވެސް އޮންނާނެއެވެ. އެރޭގެ ފުރަތަމަ މެޗުގައި ސްކޫލް އޮފް ނާރސިންގ (އެސް.އެން) އަދި ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (އެފް.އެޗް.ޓީ.އެސް) ބައްދަލުކުރާއިރު، ދެވަނަ މެޗުގައި ބައްދަލު ކުރާނީ ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ (ފެސްޓް) އަދި ފެކަލްޓީ އޮފް ލޯ އެންޑް އިސްލާމިކް ސްޓަޑީޒް (އެފް.އެލް.އައި.އެސް) އެވެ. މި 2 މެޗަކީ ވެސް އަންހެން ޑިވިޝަނުގެ 2 މެޗެވެ.
މިއަހަރުގެ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތަކީ އެމް.އެން.ޔޫ.އެސް.ޔޫ.ގެ ފަރާތުން ސިލްސިލާ ގޮތެއްގައި ބާއްވާ 4 ވަނަ މުބާރާތެވެ. މިއަހަރުގެ މުބާރާތަކީ ފެކަލްޓީތަކުގެ އެންމެ ގިނަ އަދަދެއްގެ ޓީމު ވާދަކުރާ އަހަރެވެ. އެގޮތުން، ފިރިހެން ޑިވިޝަންގައި ޖުމްލަ 8 ޓީމެއް ވާދަކުރާއިރު، އަންހެން ޑިވިޝަނުގައި ޖުމްލަ 9 ޓީމެއް ވާދަކުރެއެވެ.
ލިޔުނީ: އަނޫފާ ޢަލީ،
އެމް.އެން.ޔޫ.އެސް.ޔޫ މީޑިއާ ޓީމް
