ލޫމޯސް އަކީ އެފް.އެޗް.ޓީ.އެސްގެ ދަރިވަރުންގެ ހުނަރުތައް ދައްކާލުމަށް އެފް.އެޗް.ޓީ.އެސްގައި ބާއްވާ ޓެލެންޓް ޝޯވ އެކެވެ.
ކޮންމެ އަހަރަކު އެފް.އެޗް.ޓީ.އެސްގެ މެނޭޖްމެންޓް އިން އިންތިޒާމު ކޮށްގެން ބާއްވާ ލޫމޯސް ވަނީ އެފް.އެޗް.ޓީ.އެސް ގައި އޮންނަ ސަގާފަތަކަށެވެ. އެފް.އެޗް.ޓީ.އެސްގެ މުވައްޒަފުންނާއި އެދުރުންނާއި ދަރިވަރުން ކިޔެވުމުންނާއި ކިޔަވައިދިނުމުންނާއި މަސައްކަތުގެ މައިދާނުން ދުރަށް ޖެހިލައި ”ބޯ ހަމަޖައްސާލައި“ ރެޔަކަށެވެ. މިގޮތުން މި އަހަރު ޝެޓްސް އިން އިންތިޒާމުކޮއްގެން މިމަހުގެ 1 ވަނަ ދުވަހުގެ ރޭ ލޫމޯސް 2019 ބޭއްވުނުއިރު، މިފަހަރު ލޫމޯސް ވެގެން ދިޔައީ ފޯރިގަދަ އެތައް ހަރަކާތްތަކެއް ފެނިގެންދިޔަ ރެއަކަށެވެ.
ލޫމޯސް 2019 ގައި އެފް.އެޗް.ޓީ.އެސްގެ ގިނަ ދަރިވަރުން ތަކެއްގެ އެތަކެއް ހުޝަހެޅުންތަކެއް ހުޝަހަޅާ ދިނެވެ. މިގޮތުން 3 ދަރިވަރެއްގެ ހިއްގައިމު ލަވަތަކެއްގެ އަޑު އިވިގެން ދިޔައެވެ. މީގެ އިތުރުން އެކި އެކި ދަރިވަރުންގެ ފޯރިގަދަ ނެށުންތަކެއްވެސް ފެނިގެން ދިޔައެވެ. ސީ3 ކުދިންގެ ނެށުމާއި އެފް.އެޗް.ޓީ.އެސް ލީޑާރސްގެ އައިޓަމް ތަކަކީ ފާހަގަ ކޮއްލެވޭ ފޯރިގަދަ ބައެއް ހަރަކާތްތަކެވެ.
މިފަހަރު އެފް.އެޗް.ޓީ.އެސްގެ ދަރިވަރުންގެ އިތުރުން، އެފް،އީ އާއި ބީ.އެސް ގެ ދަރިވަރުންގެ ހުނަރުވެރި ނެށުންތަކެއް ފެނިގެން ދިޔައެވެ. މީގެ އިތުރުން، ޔުނިވާރސިޓީ ތެރެއަށް މަޝްހޫރު ”ބަދިގެބްރޯސް“ ގެ ފަރި ހަރަކާތްތަކެއް ފެނިގެން ދިޔުމީ ޝޯވ އިތުރަށް ފުރިހަމަ ވެގެން ދިޔަ ކަމަކަށެވެ. ޝޯވ ނިމިގެން ދިޔައީ އެމް.އެން.ޔޫ.އެސް.ޔޫގެ ބޮޑުބެރު ޓީމްގެ ފޯރިގަދަ ލަވަތަކުންނެވެ.
އެފް.އެޗް.ޓީ.އެސްގެ ޑީން އާއި ގިނަ އެދުރުންނާއި މުވައްޒަފުން އަދި ދަރިވަރުން ތަކެއް ލޯމޫސް 2019 ގައި ބައިވެރިވެފައިވެއެވެ. މީގެ އިތުރުން ދިވެހި ރާއްޖޭގެ ގައުމީ ޔުނިވާރސިޓީގެ ދަރިވަރުންގެ ޖަމިއްޔާގެ ރައީސްއާއި ހިންގާ ކޮމިޓީގެ ގިނަ މެމްބަރުން ތަކާއި ލަފާއަރުވާ ކޮމިޓީ މެމްބަރުން ޝޯވ ބަލާލުމަށް އައިސްފައިވެއެވެ.
ކާމިޔާބުކަމާއިއެކު ލޫމޯސް ބޭއްވުނީ ދިވެހި ރާއްޖޭގެ ޤައުމީ ޔުނިވާސިޓިގެ ދަރިވަރުންގެ ޖަމިއްޔާގެ އެހީތެރިކަމާއި އެއްބާރުލުމުގެ ސަބަބުންނެވެ. ލޯމޫސް 2019 ފުރިހަމަ ވެގެން ދިޔައީ އެފް.އެޗް.ޓީ.އެސްގެ މެނޭޖްމަންޓްއިން އިންތިޒާމު ކޮށްދިން ފަރިއްކޮޅުންގެ ސަބަބުންނެވެ.
ލިޔުނީ: ސުޢައިދު ޔޫނުސް
ޚަޒާންދާރު، ޝެޓްސް
