އަހުރަ ހޭންޑް ބޯޅަ މުބާރާތުގެ ފިރިހެން ޑިވިޝަނުގެ ޗެމްޕިއަންކަން އިސްކަންދަރު އެއަރ ބޭސްއިން ކާމިޔާބުކޮށްފި!

އެމް.އެން.ޔޫ.އެސް.ޔޫ އަހުރަ ހޭންޑް ބޯޅަ މުބާރާތުގެ ޗެމްޕިއަންކަން އިސްކަންދަރު އެއަރ ބޭސްއިން ކާމިޔާބު ކޮށްފިއެވެ.

މުބާރާތުގައި ފިރިހެން ޑިވިޝަނުން ބައިވެރިވީ ޖުމްލަ 4 ޓީމެވެ. އެއީ ގަން ކައުންސިލާއި، އިސްކަންދަރު އެއަރ ބޭސް، ގަން ރީޖަނަލް ހޮސްޕިޓަލް އަދި ލާމު ބްލޫސްއެވެ.

މުބާރާތުގެ ފައިނަލުގައި ފިރިހެން ޑިވިޝަންގެ އިސްކަންދަރު އެއަރ ބޭސް އަދި ގަން ރީޖަނަލް ހޮސްޕިޓަލްގެ ކުރިމަތިލުން އިސްކަންދަރު އެއަރ ބޭސް އިން ކާމިޔާބުކުރީ 11-13 ގެ ނަތީޖާއަކުން ގަން ރީޖަނަލް ހޮސްޕިޓަލުގެ މައްޗަށް ކުރި ހޯދައިގެނެވެ. މި ނަތީޖާއާއެކު މުބާރާތުގެ ޗެމްޕިއަންކަން ކާމިޔާބުކުރީ އިސްކަންދަރު  އެއަރ ބޭސްއިންނެވެ. މިމެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ އިސްކަންދަރު އެއަރ ބޭސްގެ ޖާރޒީ ނަމްބަރު 9، އަލީ ރުޚްޝާންއެވެ.

މުޅި މުބާރާތުން ފިރިހެން ޑިވިޝަނުގެ އެންމެ މޮޅު ކުޅުންތެރިއަކަށް އިސްކަންދަރު އެއަރ ބޭސްގެ ޖާރޒީ ނަމްބަރު 9، އަލީ ރުޚްޝާން ހޮވިފައިވާއިރު މުބާރާތުގެ ޓޮޕް 6 ކުޅުންތެރިން ހޮވައި، ކުޅުންތެރިންނަށް ވަނީ ޓްރޮފީ ހަވާލު ކޮށްފައެވެ.

ފިރިހެން ޑިވިޝަންގެ އެންމެ މޮޅު 6 ކުޅުންތެރިންނަކީ:

1. ގަން ރީޖަނަލް ހޮސްޕިޓަލްގެ ޖާރޒީ ނަމްބަރު 9، ފަހުދު އަދުނާން

2. އިސްކަންދަރު އެއަރ ބޭސްގެ ޖާރޒީ ނަމްބަރު 10، ޔޫސުފް އަބްދުﷲ

3. ގަން ރީޖަނަލް ހޮސްޕިޓަލްގެ ޖާރޒީ ނަމްބަރު 1، މުހައްމަދު މުއީން.

4. ގަން ރީޖަނަލް ހޮސްޕިޓަލްގެ ޖާރޒީ ނަންބަރު 19، އަހުމަދު ނާސިފް

5. ލާމު ބްލޫސް ޖާރޒީ ނަމްބަރު  7، މުހައްމަދު ނިމާލް

6. އިސްކަންދަރު އެއަރ ބޭސްގެ ޖާރޒީ ނަމްބަރު 19، މުހައްމަދު ލުފްޝާން

މުބާރާތުގެ އެންމެ މޮޅު ކޯޗަކަށް ހޮވުނީ އިސްކަންދަރު އެއަރ ބޭސް ގެ ކޯޗް މައުމޫން އަބްދުލް ސައްތާރެވެ. އަދި މުބާރާތުގެ ފިރިހެން ޑިވިޝަންގެ ފެއަރޕްލޭ ޓީމަކަށް ހޮވިފައިވަނީ ލާމު ގަން ކައުންސިލެވެ.

މުބާރާތް ނިންމުމުގެ ރަސްމިއްޔާތުގައި މުބާރާތް ހިންގުމުގައި ތަފާތު އެކިގޮތްގޮތުން އަގުހުރި ޚިދުމަތްތަކެއް ކޮށްދެއްވި ފަރާތްތަކަށް އެކަމުގެ އަގު ވަޒަންކޮށް އެ ފަރާތްތަކަށް ހަނދާނީ ލިޔުން ހަވާލުކޮށްފައިވެއެވެ.

މުބާރާތުގެ ފިރިހެން ޑިވިޝަނުގައި ޖުމްލަ 4 ޓީމެއް ވާދަކުރާއިރު އަންހެން ޑިވިޝަނުގައި ޖުމްލަ 10 ޓީމެއް ވާދަކުރެއެވެ. މި މުބާރާތަކީ ލ. އަތޮޅުގެ މުއައްސަސާތަކަށް ހުޅުވާލައިގެން ބާއްވާ މުބާރާތަކަށްވާއިރު، މުބާރާތް ކުރިއަށްދާނީ އޮކްޓޯބަރ 01ން 06 އަށެވެ. މި މުބާރާތް ރާވާ އިންތިޒާމު ކުރަނީ ލ. ގަމު ކެމްޕަހުގައި ޤާއިމުކުރެވިފައިވާ އެމް.އެން.ޔޫ.އެސް.ޔޫގެ ގޮފި އަހުރައިންނެވެ. މިފަހަރުގެ މުބާރާތުގައި އެމް.އެން.ޔޫ.އެސް.ޔޫއިން ދަނީ މުބާރާތް އިންތިޒާމުކުރުމުގައި އަމަލީގޮތުން ހަރަކާތްތެރިވަމުންނެވެ.

މިއީ 2017 ވަނަ އަހަރުން ފެށިގެން ސިލްސިލާގޮތެއްގައި ބާއްވާ މިފަދަ 3 ވަނަ މުބާރާތެވެ. މިއަހަރުގެ މުބާރާތުގެ އެކަމޮޑޭޝާން ޕާޓްނަރ އަކީ “ނިރުވާނާ އިން ލާމު” އެވެ. ސްޕޮންސަރުންގެ ތެރޭގައި “ލ. ގަމު ކައުންސިލް”، “ލ. ގަން ޕޮލިސް ސްޓޭޝަން”، “ދިރާގު”، “އައިލެންޑާސް އެސޯސިއޭޝަން”، ”ރިއަލް އައިލެންޑް ސޮސައިޓީ“، ”ކޭ ބޯލަ ބޮޑުބެރު ގްރޫޕް“ ”އެމް.އެން.ޑީ.އެފް ސެންޓްރަލް އޭރިއާ“ އަދި “އަމީގޯސް ސްޕޯޓްސް ކްލަބް” ހިމެނެއެވެ. އަދި ހަމަ އެހެންމެ އެމް.އެން.ޔޫގެ ލ. ގަން ކެމްޕަހުން ދެއްވާ ފުރިހަމަ އެއްބާރުލުމާއި އެހީތެރިކަން ފާހަގަކުރެވެއެވެ.

ލިޔުނީ: އާމިނަތު ޝަމާ މުހައްމަދު،

މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ