ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ 2 ވަނަ އަށް އެންމެ މަތީ ޝަރަފުކަމަށްވާ ”އެމް.އެން.ޔޫ ދަރިވަރުންގެ ޔޫނިއަންގެ ޝަރަފުވެރިކަމުގެ އިނާމު“ 6 ފަރާތަކަށް ދީފިއެވެ. މި އިނާމުތައް ދީފައިވަނީ ދަރިވަރުންގެ ޔޫނިއަންގެ 2019 ވަނަ އަހަރުގެ މާލޭ ކެމްޕަހުގެ ގޮފިތައް އިފްތިތާޙުކުރުމަށް 18 އެޕްރީލް 2019ވީ ބުރާސްފަތިދުވަހުގެރޭ ފެކަލްޓީ އޮފް އެޑިއުކޭޝަން އޮޑިޓޯރިއަމްގައި ބޭއްވި ރަސްމިއްޔާތުގައެވެ. މި އިނާމު އެމް.އެން.ޔޫ.އެސް.ޔޫގެ ފަރާތުން ޙަވާލުކޮށްދީފައިވަނީ އެމް.އެން.ޔޫ.އެސް.ޔޫގެ ރައީސް އަލްފާޟިލް އަރުޝަދު އަޝްރަފެވެ.
ރަސްމިއްޔާތުގެ ތެރެއިން | ފޮޓޯ: ޝުޢައިބް މުޙައްމަދު، އެމް.އެން.ޔޫ.އެސް.ޔޫ މީޑިއާ
މި ރަސްމިއްޔާތުގައި އިނާމު ލިބުނު ފަރާތްތަކަކީ:
- އެމް.އެން.ޔޫ.އެސް.ޔޫގެ ކުރީގެ ނައިބު ރައީސް (ޢިލްމީ) – އަލްފާޟިލް ޙުޝާމް އިބްރާހިމް، ހިޔާވަހި / ބ. ފުޅަދޫ
- އެމް.އެން.ޔޫ.އެސް.ޔޫގެ ފުރަތަމަ ދައުރުގެ ރައީސް – އަލްފާޟިލް ޙާތިމް ޔޫސުފް، މުނާ / ރ. ހުޅުދުއްފާރު
- އެމް.އެން.ޔޫ.އެސް.ޔޫގެ ކުރީގެ ނައިބު ރައީސް (އަމަލީ) – އަލްފާޟިލް ޝަޖާޙު ފިރާޤު، ސައުދީމަންޒިލް / ހއ. ބާރަށް
- އެމް.އެން.ޔޫ.އެސް.ޔޫގެ ކުރީގެ ނައިބު ރައީސް (ޢިލްމީ) – އަލް އުސްތާޛް ޝާފިޢު އަޙްމަދު، ނޫމާގެ / ގދ. ރަތަފަންދޫ
- އެމް.އެން.ޔޫ.އެސް.ޔޫގެ ގޮފި އެސް.އެސް.އެލްގެ ކުރީގެ ރައީސް – އަލް އުސްތާޛް މުޙައްމަދު މުނާޒް، މއ. ވިންޓަރޕެލަސް / ކ. މާލެ
- އެމް.ސީ.ޓީ.ސީ.އޯގެ ނައިބު ރައީސް – އަލްފާޟިލް މިދުޢާމް ސައުދު، އައްސޭރި / ސ. މަރަދޫފޭދޫ
މި އިނާމަކީ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންއަށް ތަފާތު އެކި ރޮނގުން ގިނަ ޚިދުމަތްތަކެއް ކުރައްވާފައިވާ ފަރާތްތަކަށް އެކަމުގެ އަގުވަޒަންކޮށް އެރުވޭ ޝަރަފުގެ އިނާމެކެވެ. މި އިނާމު ތަޢާރަފުކުރެވުނީ 2018 ވަނަ އަހަރެވެ. ދަރިވަރުންގެ ޔޫނިއަންގެ ފަރާތުން ޝަރަފުތައް އަރުވާ ބޭފުޅުންގެ ނަންތައް ދަރިވަރުންގެ ޔޫނިއަންގެ ވެބްސައިޓުން މިހާރު ފެންނަން ހުންނާނެއެވެ.
ލިޔުނީ: މުޙައްމަދު ޝާން ޢާމިރު
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
