ސްޓޫޑެންޓްސް އިނިޝިއޭޓިވް އޮފް އާރޓްސް (Student’s Initiative of Arts) ’ސިއާ’ގެ 4 ވަނަ ދައުރުގެ ހިންގާކޮމެޓީ އެކުލަވާލައިފިއެވެ. މިއީ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ 14 ގޮފީގެ ތެރެއިން ފެކަލްޓީ އޮފް އާރޓްސް އަށް ނިސްބަތްވާ ގޮތްޕެވެ.
އެމް.އެން.ޔޫގެ ވައިސް ޗާންސެލަރ ޑރ. ޢަލީ ފަވާޒު ޝަރީފް، ޝަރަފްވެރިކޮށްދެއްވި މި ރަސްމިއްޔާތު ރޭ ގެ ވަގުތެއްގައި ބާއްވާފައިވަނީ ފެކަލްޓީ އޮފް އެޑިޔުކޭޝަންގެ އޮޑިޓޯރިއަމްގައެވެ. މި ރަސްމިއްޔާތުގައި އެމް.އެން.ޔޫގެ އިސްވެރިންގެ އިތުރުން މިނިސްޓަރ އޮފް ސްޓޭޓް ފޯރ ޔޫތު، ސްޕޯރޓްސް އެންޑް ކޮމިއުނިޓީ އެމްޕަވަރމެންޓް އަލްފާޟިލް އަސްއަދު ޢަލީ ބައިވެރިވެވަޑައިގެންނެވިއެވެ.
ސިއާ ގެ ރައީސް އަށް މަޤާމު ޙަވާލުކުރެވުނު ކަމުގެ ލިޔުން ޙަވާލުކޮށްދެއްވީ ރަސްމިއްޔާތުގެ ޝަރަފުވެރި މެހެމާން އެމް.އެން.ޔޫގެ ވައިސް ޗާންސެލަރ ޑރ. ޢަލީ ފަވާޒު ޝަރީފެވެ. ނައިބު ރައީސް (ޢިލްމީ)އަށް މަޤާމު ޙަވާލުކުރެވުނުކަމުގެ ލިޔުން ޙަވާލުކޮށްދެއްވީ މިނިސްޓަރ އޮފް ސްޓޭޓް ފޯރ ޔޫތު، ސްޕޯރޓްސް އެންޑް ކޮމިއުނިޓީ އެމްޕަވަރމެންޓް އަލްފާޟިލް އަސްއަދު ޢަލީ އެވެ. އަދި ނައިބު ރައީސާ (ޢަމަލީ) އަށް މަޤާމު ޙަވާލުކުރެވުނު ކަމުގެ ލިޔުން ޙަވާލުކޮށްދެއްވީ އެމް.އެން.ޔޫގެ އެގްޒެމިނޭޝަން ކޮންޓްރޯލަރ އަލްފާޟިލާ ފާތިމަތު ނާޒިޔާއެވެ. މީޑިއާ ކޯޑިނޭޓަރ އަށް މަޤާމު ޙަވާލުކުރެވުނު ކަމުގެ ލިޔުން ޙަވާލުކޮއްދެއްވީ އެމް.އެން.ޔޫގެ ޑީން އޮފް ރިސާރޗް ޑރ. ރަޙީމާ އަބްދުއްރަޙްމާން އެވެ. ސެކްރަޓަރީއަށް މަޤާމު ޙަވާލުކުރެވުނުކަމުގެ ލިޔުން ޙަވާލުކޮށްދެއްވީ އެމް.އެން.ޔޫ.އެސް.ޔޫގެ ކުރީގެ ރައީސް އަދި އެމް.އެން.ޔޫ ކައުންސިލްގައި ދަރިވަރުން ތަމްސީލުކުރާ މެންބަރު އަލްއުސްތާޛް ޢަލީ ރަޝީދެވެ. އަދި ޚަޒާންދާރަށް މަޤާމު ޙަވާލުކުރެވުނު ކަމުގެ ލިޔުން ޙަވާލުކޮށްދެއްވީ ރަސްމިއްޔާތުގެ ޝަރަފުވެރި މެހެމާން އެމް.އެން.ޔޫގެ ވައިސް ޗާންސެލަރ ޑރ. ޢަލީ ފަވާޒު ޝަރީފެވެ.
ސިއާ ގެ 4ވަނަ ދައުރުގެ ހިންގާ ކޮމެޓީގެ މެމްބަރުންނަކީ:
- ރައީސް – އަޙްމަދު ޝައްފާޒު
- ނައިބުރައީސް (ޢިލްމީ) – ނަޒީމް ނައުޝާދު
- ނައިބުރައީސާ (ޢަމަލީ) – ރުޤިއްޔާ ރިމާނާ
- ސެކްރެޓަރީ – ސަމާޙަތު ޢަލީ
- ހަޒާންދާރު – މުޙައްމަދު ރާއިދު ސަޢީދު
- މީޑިއާ ކޯޑިނޭޓަރ – މުޙައްމަދު ޝަރުވާން
ލިޔުނީ: މުޙައްމަދު ޝަރުވާން
މީޑިއާ ކޯޑިނޭޓަރ
ސްޓޫޑެންޓްސް އިނިޝިއޭޓިވް އޮފް އާރޓްސް
