ދިވެހިރާއްޖޭގެ ޤައުމީ ޔުނިވަރސިޓީގެ ސްޓޫޑަންޓް ޔޫނިއަންގެ (އެމް.އެން.ޔޫ.އެސް.ޔޫ) ގޮފި ’ސިއާ’ގެ ހުސްވެފައިވާ ރައީސް ކަމުގެ މަޤާމަށާއި ނައިބު ރައީސް(ޢަމަލީ) ގެ މަޤާމަށް ހޮވުނު ފަރާތްތަކަށް މަޤާމު ހަވާލުކޮއްފިއެވެ.
މި މަޤާމްތަކަށް، ބައި އިލެކްޝަން ކާމިޔާބުކޮށް ހޮވުނު ފަރާތްތަކަށް ލިޔުން ހަވާލު ކުރުމުގެ ރަސްމިއްޔާތު ބާއްވާފައިވަނީ އެމް.އެން.ޔޫ އޭ ބްލޮކު 4 ވަނަ ފަންގިފިލާގައެވެ. 5 ޖޫން ވީ ހޯމަ ދުވަހުގެ މެންދުރު ބޭއްވުނު މި ރަސްމިއްޔާތުގައި އެމް.އެން.ޔޫ ޑެޕިއުޓީ ވައިސް ޗާންސެލަރ އަލްފާޟިލާ ޢާއިޝަތު ޝާހީން އާއި އެމް.އެން.ޔޫ ޑީން އޮފް ސްޓޫޑެންޓްސް އަލްފާޟިލާ ނާދިޔާ އަޙްމަދު ބައިވެރިވެވަޑައިގެންފައިވެއެވެ. އަދި މީގެ އިތުރުން އެމް.އެން.ޔޫ.އެސް.ޔޫގެ ރައީސް އަރުޝަދު އަޝްރަފް އާއި އެމް.އެން.ޔޫ.އެސް.ޔޫ ހިންގާ ކޮމިޓީގެ މެންބަރުންވެސް ބައިވެރިވެލެއްވިއެވެ.
ސިއާ ގެ ރައީސް ކަމަށް ހޮވިފައިވަނީ، ކުރިން ނައިބު ރައީސް (ޢަމަލީ)ގެ މަޤާމުގައި ހުންނެވި، އަޙްމަދު ސުނޫން އެވެ. އަދި ނައިބު ރައީސް (ޢަމަލީ)ގެ މަޤާމަށް ހޮވިފައިވަނީ އަޙްމަދު ޝައްފާޒެވެ.
ސިއާ ގެ މިހާރުގެ ހިންގާ ކޮމެޓީގެ މެމްބަރުންނަކީ:
- ރައީސް – އަޙްމަދު ޝުނޫން
- ނައިބުރައީސާ (ޢިލްމީ) – ޒުހުރާ އިސްމާޢިލް
- ނައިބުރައީސް (ޢަމަލީ) – އަޙްމަދު ޝައްފާޒު
- މީޑިއާ ކޯޑިނޭޓަރ – ރުޤިއްޔާ ޝަޖަން
- ހަޒާންދާރު – ރުޤިއްޔާ ރިމާނާ
- ސެކްރެޓަރީ – ޢާއިޝަތު އިބްރާހިމް
ސިއާ ގެ ރައީސާ މަޤާމުން ވަކިކޮއްފައިވަނީ، މަޤާމުގެ ނުފޫޒާއި ބާރު ސިއާގެ އިތުރު މެމްބަރުންގެ މައްޗައް ފޯރުކުރުމާއި ޒާތީ މައްސަލަތައް ވިންގު ހިންގުމުގައި ވިންގުގެ މެމްބަރުންގެ ދެމެދުގައި ގެންގުޅޭތީވެ، ހިންގާ ކޮމެޓީގެ ޖަލްސާ އެއް 4 އެޕްރީލް ގައި އެޖެންޑާކޮށް އެ ޖަލްސާއަށް ހާޒިރުވި 4 މެމްބަރުންގެ އިއްތިފާޤުންނެވެ.
ލިޔުނީ: ރުޤިއްޔާ ރިމާނާ، ޙަޒާންދާރު، ސިއާ
