ސިއާ ޅެން ހެދުމުގެ މުބާރާތް 2020 އިޢުލާންކޮށްފިއެވެ. މި މުބާރާތް އިޢުލާންކޮށް ބައިވެރިވުމުގެ ފުރުޞަތު ހުޅުވާލައިފައިވަނީ ޖޫން 17ގައެވެ. މި މުބާރާތައް ޅެން ހުށަހެޅުމުގެ އެންމެ ފަހު ތާރީޚަކީ މިހިނގާ ޖޫން މަހުގެ 30 ވާ އަންގާރަ ދުވަހުގެ 59؛23 އެވެ.
ހުށަހަޅާ ކޮންމެ ޅެމެއްގެ މައިގަނޑުގައި މަދުވެގެން 7 ބައިތު އޮންނަންވާނެއެނެ. އެމް.އެން.ޔޫ ގެ ދަރިވަރުންގެ އިތުރަށް ރާއްޖޭގެ ކޮންމެ ޔުނިވާރސިޓީއެއްގައިވެސް ރަޖިސްޓްރީ ވެފައިވާ ކޮންމެ ފަރާތަކަށްވެސް މިމުބާރާތުގައި ބައިވެރިވެވޭނެއެވެ.
ސިއާ އިން އިސްވެ ޅެންހެދުމުގެ މުބާރާތެއް ކުރިއަށްގެންދާ މިއީ ތިންވަނަ އަހަރެވެ. މި މުބާރާތް ވަނީ މިދިޔަ އަހަރުވެސް ކުރިއަށްގެންގޮސްފައެވެ. އެއްވަނައަށް ހޮވޭ ފަރާތަކަށް ”ކަރަންކާ“ގެ ލަޤަބު ލިބޭ މިމުބާރާތުގެ އެންމެ މޮޅު ޅެމަކަށް މިދިޔަ އަހަރު ހޮވިފައިވަނީ 2019 ވަނަ އަހަރު ސްޓޫޑެންޓްސް ޔޫނިއަންގެ ރައީސް މުޙައްމަދު ޝާން ޢާމިރު ހުށަހެޅުއްވި ޅެމެވެ.
އުއްމީދަކީ މި އަހަރުވެސް ތަފާތު ގިނަ ޅެންތަކެއް މިމުބާރާތަށް ހުށަހެޅިގެންދާނެކަމަށެވެ. އަދި މުބާރާތުގެ މަޤްޞަދާއި އެއްގޮތަށް ފެކަލްޓީ އޮފް އާރޓްސްގެ ދަރިވަރުންގެ އިތުރަށްވެސް ގިނަ ދަރިވަރުންތަކެއްގެ އަދަބީ ފަންނު ފެނިގެންދާނެކަމަށް އުއްމީދުކުރަމެވެ.
މި މުބާރާތުގެ ތަފްޞީލީ ޤަވާޢިދު ތިރީގައިވާ ލިންކުން ލިބިގެންދާނެއެވެ.
ލިޔުނީ: ފާޠިމަތު މުޙައްމަދު އަޙްމަދް
މީޑިއާ ކޯރޑިނޭޓަރ، ސިއާ
