އެމް.އެން.ޔޫ.އެސް.ޔޫ އިންޓާރ ފެކަލްޓީ ބަހުސް މުބާރާތުގެ ދެވަނަ ޓީމަކަށް ފެކަލްޓީ އޮފް އެޑިއުކޭޝަންގެ ބަހުސް ޓީމު ހޮވިއްޖެއެވެ. ފައިނަލުގައި ވާދަކޮއްފައި ވަނީ ފެކަލްޓީ އޮފް އެޑިއުކޭޝަން އަދި އެމް.އެން.ޔޫ ބިޒްނަސް ސްކޫލްއެވެ.
އެމް.އެން.ޔޫ.އެސް.ޔޫ އިން އިން އިންތިޒާމް ކޮށްގެން ކުރިޔަށް ގެންދިޔަ ބަހުސް މުބާރާތުގައި ފެކަލްޓީ އޮފް އެޑިއުކޭޝަން ގެ ޓީމަށް ކޯޗު ކަން ކޮއްދީފައިވަނީ، 2018 ވަނަ އަހަރުގެ ފަހިދޫ ބަހުސް މުބާރާތުގެ އެންމެ މޮޅު 5 ބަހުސްކުރުންތެރިންގެ ތެރޭގައި ހިމެނޭ ސާރޖަންޓު އަހްމަދު ޝުހައިލް އެވެ.
ފެސާ އަށް ދެއްވި ބަސްދީގަތުމެއްގައި ފެކަލްޓީ އޮފް އެޑިއުކޭޝަންގެ ބަހުސް ޓީމުގެ ކޯޗު ސާރޖަންޓު އަހުމަދު ޝުހައިލް ވިދާލުވެފައިވަނީ “ މި ޓީމަކީ ޗެމްޕިއަންކަން ނުހޯދޭ ވަރުގެ ޓީމެއް ނޫން ކަމަށާއި އަދި ފައިނަލަށް ދެވުން އެއިވެސް ކާމިޔާބެއްކަމަށް.އަދި އެކި މައުޟޫގަ އެކި ކުދިންނަށް ޕާރފޯމް ކުރެވޭނީ އެކި ވަރަށަ ކަމަށް ގަބޫލު ކުރަންޖެހޭނެ ކަމަށް ބުނުއްވި“ އިތުރަށް ވާހަކަ ދައްކަވަމުން ވިދާޅުވެފައިވަނީ ކުދިން ބަހުސްއަށް ތައްޔާރުކުރުމަށް ލިބުނު މަދު ވަގުތުކޮޅަށް ބަލާފަ ކުދިންގެ މަސައްކަތާއި މެދު ވަރަށް ހިންހަމަޖެހޭ ކަމަށެވެ.އަދި މީގެ އިތުރުން މޮޅު ބަހުސް ކުރުންތެރިއަކަށް ވުމަށްޓަކައި ކުރެވިދާނެ ދެތިން ކަމެއް ފާހަގަކުރައްވަމުން ވިދާޅުވެފައިވަނީ ”މައުލޫމާތުގެ ޚަޒާނާ މުއްސަދި ކުރުމައްޓަކައި ތަފާތު ލިޔުންތަށް ކިޔުމުގެ އިތުރުން ވާހަކަ ދައްކާ އުޅޭއިރު ބުނެވޭ ކުށް ބަސްތަކާއި ބަހުގެ ދަރަޖަ ތަކަށް ސަމާލުކަންދީގެން ވާހަކަ ދެއްކުން ވަރަށް މުހިންމު ކަމަށް“
2017 ވަނަ އަހަރުގެ ބަހުސް މުބާރާތުގެ ވެސް ދެވަނަ ޓީމަކަށް ފެކަލްޓީ އޮފް އެޑިއުކޭޝަން ގެ ޓީމު ވަނީ ހޮވިފައެވެ.އެހެންނަމަވެސް 2018 ވަނަ އަހަރުގެ ބަލިވި ކޮންމެ ބަހުސް އަކުން ވެސް ބަލިވެފއިވަނީ މިދިޔަ އަހަރާއި ބަލާއިރު ޕޮއިންޓުގެ ގޮތުން ބަލާއިރު ވަރަށް ކުޑަ ތަފާތަކުންކަން ފާހަގަ ކޮށްލެވެއެވެ.މިފަދަ ކުރިއެރުމެއް ލިބިފައިމިވަނީ ފެކަލްޓީ އޮފް އެޑިއުކޭޝަންގެ މެނޭޖްމެންޓުގެ އިތުރުން ވަރަށް ގިނަ ބައެއްގެ އެހީތެރިކަމާއިއެކުއެވެ.
އެފް.އީ ޓީމުން ހޯދި ކާމިޔާބީ ފާހަގަ ކޮށް އަދި މި ކާމިޔާބީއާ ހަމައަށް ވާސިލުވުމައްޓަކައި ކޯޗު ކޮއްދެއްވި ބުރަ މަސައްކަތުގެ އަގު ވަޒަންކޮށް އެފް.އީ ގެ ކޯޗު ސާރޖަންޓް އަހުމަދު ޝުހައިލް އަށް ވަނީ ހަނދާނީ ފިލައަކާއި ސެޓްފިކެޓެއް އަރުވާފައެވެ.
ލިޔުނީ : ޝަޒާރަތު ޝަރީފް (ފެސާގެ މީޑިޔާ ކޯޑިނޭޓާރ)
