ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ގޮފި ނޭކައިން ބައިނަލްއަގުވާމީ ހިތުގެ ދުވަސް ފާހަގަކޮށްފިއެވެ.
ބައިނަލްއަގުވާމީ ހިތުގެ ދުވަސް ފާހަގަކުރުމަށް ނޭކައިން ވަނީ ހޭލުންތެރިކަން އިތުރުކުރުމަށް ތިނަދޫ ސިޓީގެ ސްކޫލްތަކާއި ސަރުކާރުގެ މުއައްސަސާތަކަށް ޒިޔާރާތްކޮށް މުވައްޒަފުންނާއި ދަރިވަރުންނާއި މުދައްރިސުންނަށް ސިއްހީ ތަފާތު މައުލޫމާތުތައް ދީފައެވެ. މި ހަރަކާތް ފަށާފައިވަނީ ތިނަދޫ ކެމްޕަހުގައެވެ.
ހިތުގެ ދުވަސް ފާހަގަކުރުމަށް ހިންގުނު މި ހަރަކާތް ކުރިއަށް ދިޔައީ 29 ސެޕްޓެމްބަރު ވީ އަންގާރަ ދުވަހު ތިނަދޫ ސިޓީގައެވެ.
ސިއްހަތާބެހޭ މުހިންމު މައުލޫމާތުތައް ދީ ސިއްހީ ރަނގަޅު އާދަތައް އަށަގެންނެވުމަށް ސިއްހީ ކަންކަމާ ގުޅޭ ތަފާތު ދުވަސްތައް ފާހަގަކޮށް ތަފާތު ހަރަކާތްތައް ނޭކައިން އަބަދުވެސް ރާވައި ހިންގައެވެ.
