އިންޓަރ ފެކަލްޓީ ވޮލީބޯޅަ މުބާރާތުގައި ބައިވެރިވުމަށް ހުޅުވާލައިފި

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން ބާއްވާ އިންޓަރ ފެކަލްޓީ ވޮލީބޯޅަ މުބާރާތުގައި ބައިވެރިވުމަށް ހުޅުވާލައިފިއެވެ.

މި މުބާރާތުގައި ބައިވެރިވުމުގެ ފުރުސަތު އެމް.އެން.ޔޫ ގެ ފެކަލްޓީތަކަށް ހުޅުވާލާފައިވާއިރު، މި މުބާރާތުގައި ބައިވެރިވުމަށް އެދި ފޯމު ހުށަހެޅުމުގެ ފަހު ދުވަހަކީ 5 ސެޕްޓެމްބަރު 2021 އެވެ. އަދި މުބާރާތުގައި ބައިވެރިވާ ޓީމުތަކުން ޓީމު ލިސްޓު ހުށަހެޅުމުގެ ފަހު ދުވަހަކީ 13 ސެޕްޓެމްބަރު 2021 އެވެ.

މި މުބާރާތް ކުރިއަށް ދާނީ 24 ސެޕްޓެމްބަރުން ފެށިގެން 26 ސެޕްޓެމްބަރުގެ ނިޔަލަށެވެ.

މި މުބާރާތުގައި ބައިވެރިވުމަށް އެދޭ ފޯމާއި ޓީމު ލިސްޓު ހުށަހަޅާ ފޯމު އެމް.އެން.ޔޫ.އެސް.ޔޫ ވެބްސައިޓް އިން ޑައުންލޯޑް ކުރެވޭނެއެވެ.

އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތުގެ ހިންގާ ކޮމެޓީ:-

އެހެންއަހަރުތަކެކޭވެސް އެއްފަދައިން މިއަހަރުގެ މުބާރާތަށްވެސް ވަނީ ހިންގާ ކޮމެޓީއެއް އެކުލަވާލާފައެވެ. މިފަހަރުގެ ކޮމެޓީގައި 10 މެމްބަރުން ތިބޭނެއެވެ.

ހިންގާ ކޮމެޓީ މެމްބަރުން:-

ހުސައިން ޒައިދު – (ޗެއާ)

އަބްދުﷲ ޝަހުނީޒް (މެމްބަރު)

މާޒިން މުޙައްމަދު (ވައިސް ޗެއާ)

އަޙްމަދު ޙައްޔާން ރަޝީދު (މެމްބަރު)

ފާޠިމަތު ނަޝާތު ވަހީދު (މެމްބަރު)

އާއިޝަތު އީފާ އިބްރާހީމް (މެމްބަރު)

ޚާލިދު މުޙައްމަދު (މެމްބަރު)

މުޙައްމަދު އަޙްނަފް (މެމްބަރު)

ޝަމާއިލް ހުސައިން (މެމްބަރު)

އަބްދުﷲ އަތޫފް އާތިފް (މެމްބަރު)

މިއީ ސިލްސިލާ ގޮތެއްގައި ވޮލީ މުބާރާތް އެމް.އެން.ޔޫ.އެސް.ޔޫ އިން ކުރިޔަށް ގެންދާ ހަތްވަނަ ފަހަރެވެ. މި މުބާރާތް އެންމެ ފުރަތަމަ ބާއްވާފައިވަނީ 2015 ވަނަ އަހަރުގައެވެ. މި މުބާރާތަކީ 200 އަށްވުރެ ގިނަ ދަރިވަރުން ބައިވެރިވާ މުބާރާތެކެވެ. އަދި މިއީ އެމް.އެން.ޔޫ.އެސް.ޔޫ އިން ބާއްވާ ދެވަނައަށް އެންމެ ބޮޑު މުބާރާތެވެ.