ދިވެހިރާއްޖޭގެ ގައުމީ ޔުނިވާރސިޓީގެ ފެކަލްޓީ އޮފް ހެލްތް ސައިންސަސް (އެފް.އެޗް.އެސް) ގައި ފިޒިއޮތެރަޕީ ކިޔަވަމުންދާ ދަރިވަރުންނާއި ހީލާރސް ގުޅިގެން ދުނިޔޭގެ ފިޒިއޮތެރަޕީ ދުވަސް ވަރަށް ކުލަގަދަކޮށް ފާހަގަ ކޮށްފިއެވެ.
މިއަހަރުގެ ފިޒިއަތެރަޕީ ދުވަހުގެ ޝިއާރަކީ ”ލޯންގް ކޮވިޑް-19 އެންޑް ޕިޒިއަތެރަޕީ“ އެވެ. ދުނިޔޭގެ ފިޒިއޮތެރަޕީ ދުވަހުގެ ގޮތުގައި ފާހަގަ ކުރަނީ ކޮންމެ އަހަރެއްގެ ވެސް ސެޕްޓެމްބަރ މަހުގެ 08 ވަނަ ދުވަހެވެ.
ސެޕްޓެމްބަރ 08 ވަނަ ދުވަހު ހެދުނު އެފް.އެޗް.އެސްގެ ހޯލްގައ ފިޒިއަތެރަޕީ ދުވަހުގެ ހަރަކާތްތައް ފެށުމުގެ ގޮތުން ބޭއްވުނު ހާއްސަ ރަސްމިއްޔާތުގައި ޑީން އޮފް ސްޓޫޑެންޓްސް އާޝިޔާ ލީލާ އާއި ފެކެލްޓަ އޮފް ހެލްތް ސައިންސަސްގެ ޑީން ޑރ ފަޒީލާ ވަހީދާއި، ލެކްޗަރާއިންނާއި، އެމް.އެން.ޔޫ.އެސް.ޔޫ ގެ ހިންގާ ކޮމެޓީގެ މެމްބަރުންނާއި، ހީލާރސްގެ ހިންގާ ކޮމެޓީގެ މެމްބަރުންގެ އިތުރުން ގިނަ އަދަދެއްގެ ދަރިވަރުން ބައިވެރިވިއެވެ.
މިރަސްމިޔާތަށް ފަހު ޑީން އޮފް ސްޓޫޑެންޓްސް ލީލާ މިސް އާއި އެފް.އެޗް.އެސްގެ ޑީން ފަޒީ މިސް ވަނީ ސްޓޯލްތައް ބައްލަވާލައްވާފައެވެ.
ފިޒިއޮތެރަޕީ ދުވަސް ފާހަގަ ކުރުމުގެ ގޮތުން ކުރިއަށް ގެންދިޔަ ހަރަކާތްތައް ސެޕްޓެމްބަރ މަހު 08 ވަނަ ދުވަހު އެފޮ.އެޗް.އެސްގެ ހޯލުގަ އަދި ސެޕްޓެމްބަރ މަހުގެ 09 ވަނަ ދުވަހު އެމް.އެން.ޔޫ ސެންޓަރަލްގައި ބެހެއްޓުނު ސްޓޯލްތަކުގައި އެކިއެކި ހަރަކާތްތައް ވަނީ ކުރިއަށް ގެންގޮސްފައެވެ.
އޭގެތެރޭގައި ހެލްތް ޗެކަޕް ސްޓޯލްތަކާއި، ޕޯސްޓަރ ސްކްރީނިން ސްޓޯލްތައް އަދި ކުޅިވަރު ސްޓޯލްތައް ހިމެނެއެވެ. އަދި އާއްމުން ހޭލުންތެރިކުރުމަށްޓަކައި ދުވަހުގެ ޝިޢާރުގެ ދަށުން ހެލްތު ޕްރޮޓެކްޝަން އެޖެންސީ (އެޗް.ޕީ.އޭ) އާއި ފިޒިއޮތެރަޕީ ދަރިވަރުން ގުޅިގެން ވަނީ ޕޯސްޓާރާއި ވީޑިއޯތަކެއް އާއްމޮކޮށްފައެވެ.
ފިޒިއޮތެރަޕީ ދުވަސް މިހާ ކުލަގަދަކޮށް ފާހަގަ ކުރުމުގެ ބޭނުމަކީ ފިޒިއޮތެރަޕިސްޓުންގެ މަސައްކަތާއި، ފިޒިއޮތެރަޕީއަކީ ކޮބައިކަމާއި އަދި ފިޒިއޮތެރަޕީގެ މުހިންމުކަމަށް ދިވެހިރާއްޖޭގެ ގައުމީ ޔުނިވާރސިޓީގައި މަސައްކަތްކުރާ މުވައްޒަފުންނާއި، ދަރިވަރުން ހޭލުންތެރިކުރުވުމެވެ.
ފިޒިއޮތެރަޕީ ދުވަސް ފާހަގަ ކުރުމަށްޓަކައި ތަފާތު އެކި ސްޕޮންސަރުންގެ އެހީތައް ވަނީ ލިބިފައެވެ. ހާއްސަކޮށް ނޮވެލިޓީ ބްކޮ ޝޮޕް، ސްކޫޕް، ގްލޯފިޓް އަދި ފިޓްފޯލައިފް ގެ ދީލަތި އެހީ ލިބިފައިވެއެވެ.
މިއީ ފާއިތުވެ ދިޔަ އަހަރުތަކުގައި ދުނިޔޭގެ ފިޒިއަތެރަޕީ ދުވަސް މިހާ ކުލަގޮތެއްގައި ފެކެލްޓަ އޮފް ހެލްތް ސައިންސަސްގައި ފާހަގަ ކުރި ފުރަތަމަ ފަހަރެވެ.
