ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ދެވަނައަށް އެންމެ މަތީ ޝަރަފުކަމަށްވާ މަރްޙޫމް އަޙްމަދު އަބްދުﷲ ނަސީރުގެ ހަނދާނުގައިދެވޭ ދަރިވަރުންގެ ޔޫނިއަންގެ ޝަރަފްވެރިކަމުގެ އިނާމު 8 ފަރާތަކަށް އަރުވައިފިއެވެ.
މި އެވޯޑް އަރުވާފައިވަނީ 27 ނޮވެމްބަރު 2021 ވީ ހޮނިހިރު ދުވަހު ބޭއްވުނު އެމް.އެން.ޔޫ.އެސް.ޔޫ އެވޯޑް ނައިޓްގައެވެ.
މަރްހޫމް އަހްމަދު އަބްދުﷲ ނަސީރުގެ ހަނދާނުގައިދެވޭ ދަރިވަރުންގެ ޔޫނިއަންގެ ޝަރަފުވެރިކަމުގެ އިނާމު ލިބުނު ފަރާތްތައް:
- ޔުނިވިޔަ ހޯލްޑިންގްސްގެ މެނޭޖިންގ ޑިރެކްޓަރ، ކ. މާލޭ ގަލޮޅު. އުފާ – އަލްފާޟިލް އަޙްމަދު މުޙައްމަދު
- ޔުނިވިޔަ ހޯލްޑިންގްސްގެ ފައިނޭންސް މެނޭޖަރ، ކ. މާލޭ މާފަންނު. ހިލް އިން ދަ ގާރޑެން – އަލްފާޟިލް ޢަބްދުﷲ ޢަބްދުއްރަހީމް
- ބިދަބިން ބޮޑުބެރު ގްރޫޕްގެ މެނޭޖިންގ ޑިރެކްޓަރ، ރ. އަލިފުށީ ވީނަސް – މުހައްމަދު އާސިމް
- މ. މުލައް މަތަރެސްގެ – އަލްފާޟިލް ޝަލަބީ އިބްރާހީމް
- އެމް.އެން.ޔޫ ބިޒްނަސް ޑިވެލޮޕްމަންޓް ޑިރެކްޓަރ – ކ. މާލޭ ގަލޮޅު އަލްމާސް – އަލްފާޟިލާ ހިދާޔާ މޫސާ
- ބިޒްނަސް ސްކޫލް ސްޓޫޑެންޓް އެސޯސިއޭޝަންގެ ކުރީގެ ރައީސް – އދ. ކުނބުރުދޫ ނޫވިލާގެ، އަލްފާޟިލް މުޙައްމަދު ޔާސިރު މޫސާ
- ރާއްޖެ ޓީވީގެ އެސިސްޓެންޓް ކްރިއޭޓިވް ޑިރެކްޓަރ – ކ. މާލޭ ގ. ޕެލިކަން އަލްފާޟިލް އަހްމަދު ސިރާޖު
- ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒްގެ ލެކްޗަރަރ އަދި ކޯޑިނޭޓަރ ފޯ އިންޓާންޝިޕް އެންޑް ވޯކް ޕްލޭސްމަންޓް – ކ. ހުރާ ރޯޒް އަލްފާޟިލް ޙުސައިން ސޮބާހު
މަރްހޫމް އަހްމަދު ޢަބްދުﷲ ނަޞީރުގެ ހަނދާނުގައިދެވޭ އެމް.އެން.ޔޫ ދަރިވަރުންގެ ޔޫނިއަންގެ ޝަރަފުވެރިކަމުގެ އިނާމަކީ އެމް.އެން.ޔޫ.އެސް.ޔޫ ލީޑަރސް ގްރޫޕްގެ މެންބަރެއްގެ ގޮތުގައި މަސައްކަތްކުރަމުން ދިޔަ އެމް.އެން.ޔޫގެ ސެންޓަރ ފޯ ފައުންޑޭޝަން ސްޓަޑީޒްގެ ދަރިވަރެއް ކަމުގައިވާ ހދ. ކުޅުދުއްފުށީ އަރުޝީ އަލް މަރްހޫމް އަހްމަދު ޢަބްދުﷲ ނަޞީރުގެ ހަނދާނުގައިދެވޭ އިނާމެކެވެ. މިއީ އެމް.އެން.ޔޫ.އެސް.ޔޫ އިން އަރުވާ ޔޫނިއަންގެ ދެވަނައަށް އެންމެ މަތީ ޝަރަފެވެ.
