މިއަހަރުގެ ފުރަތަމަ ޓާމްގައި ސުކޫލް އޮފް ނާރސިންއަށް އަލަށް ގުޅުނު ދަރިވަރުންނަށް ހާއްސަ ކޮށް ވެލްކަމް ނައިޓެއް ”ވެލްކަމް ފިއެސްޓާ“ ގެ ނަމުގައި ކުރިއަށް ގެންގޮސްފިއެވެ.
18 ފެބުރުވަރީ ވީ ހޮނިހިރު ދުވަހުގެރޭ ސުކޫލް އޮފް ނާރސިންގެ ކޮންފަރެންސް ހޯލްގައި ކުރިޔަށް ގެންދުވުނު މި ހަރަކާތުގައި ސުކޫލް އޮފް ނާސިންގް ކޯސްތަކަށް އަލަށް ގުޅުނު 50 ށްވުރެ ގިނަ ދަރިވަރުން ވަނީ ބައިވެރިވެފައެވެ.
ނިއަރެސްގެ ހިންގާކޮމެޓީއިން އިސްނަގައިގެން، އިސްވާރުންގެ އެހީތެރިކަމާއެކު ކުރިޔަށް ގެންދުވުނު މި ހަރަކާތަކީ އެސްއެންއާ އަލަށްގުޅުނު ދަރިވަރުންނަށް މަރުހަބާ ކިޔުމުގެ ގޮތުން ކުރިޔަށް ގެންދެވުނު ހަރަކާތެކެވެ.
މި ހަރަކާތުގައި ސުކޫލް އޮފް ނާރސިންގެ ޑީން އާސިޔާ އިބްރާހީމް އާއި އެސްއެންގެ ބައެއް ލެކްޗަރާސް ވަނީ ބައިވެރިވެލައްވާފައެވެ. އަދި ހަމައެހެންމެ އެމްއެންޔޫއެސްޔޫގެ ހިންގާކޮމެޓީގެ ބައެއް މެންބަރުންވެސްވަނީ ބައިވެރިވެލައްވާފައެވެ.
މިހަރަކާތުގެ ތެރެއިން ނިއަރެސްގެ 2023 ވަނަ އަހަރަށް އިންތިހާބުވި ހިންގާކޮމެޓީ ތައާރަފުވުމުގެ އިތުރުން ޑީން ވެސް ވަނީ ދަރިވަރުންނާ މުހާތަބު ކޮށް ވާހަކަ ދައްކަވާފައެވެ. ގްރޫޕްތަކަކަށް ބެހިގެން ހުރިހާ ދަރިވަރުންގެ މެދުގައި ފޯރިގަދަ ކުޅިވަރުތަކެއް ކުޅެވި އެކިއެކި އިނާމްތައް ޙާސިލް ކުރިއެވެ. އަދި ސުކޫލް އޮފް ނާރސިންގެ އިސްވާރުންގެ ފަރާތުން ޑާންސް އައިޓަމެއްވެސް ވަނީ ހުށަހަޅައިދީފައެވެ
ވެލްކަމް ފިއެސްޓާއާއެކު ނިއަރެސްގެ މިޓާމުގެ ހަރަކާތްތައް ފެށިގެންދިޔައިރު، މި ޓާރމުގައި ގިނަ ހަރަކާތްތަކެއް ކުރިޔަށް ގެންދިއުމަށް ވަނީ ރޭވިފައެވެ. އެގޮތުން 24 ފެބުރުވަރީ ވާ ހުކުރު ދުވަހު ނިއަރެސް އިސްވާރުންގެ ދަތުރު ”ނިއުލީޑާސް ޓްރިޕް“ ދިއުމަށްވަނީ ރޭވިފައެވެ.
