ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން މާލެ ކެމްޕަސް ގޮފިތަކުގެ މީޑިއާ ކޯޑިނޭޓަރުންނަށް ތަމްރީނު ޕްރޮގްރާމެއް ބާއްވައިފިއެވެ.
2023 މާރިޗު 17 ވީ ހުކުރު ދުވަހު ހަވީރު ބޭއްވި މި ތަމްރީނު ޕްރޮގްރާމުގައި މީޑިއާ ކޯޑިނޭޓަރުންނަށް ވަނީ ޚަބަރު ލިޔުމާއި ފޮޓޯ ނެގުމާ ބެހޭގޮތުން މައުލޫމާތު ދީފައެވެ.
މި ޕްރޮގްރާމް ނަގައިދިނީ އެމް.އެން.ޔޫ.އެސް.ޔޫގެ އެޑްވައިޒަރީ ބޯޑުގެ މެންބަރު މުޙައްމަދު ޝާން އާމިރެވެ.
އަތޮޅުތެރޭ ކެމްޕަސްތަކުގެ މީޑިއާ ކޯޑިނޭޓަރުންގެ ތަމްރީނު ޕްރޮގްރާމް އޮންލައިން ސެޝަނެއްގެ ގޮތުގައި ވަރަށް އަވަސް މުސްތަގުބަލެއްގައި ބޭއްވިގެންދާނެއެވެ.
މީގެ ކުރިން މިއަހަރު ވަނީ ޔޫނިއަންގެ ފަރާތުން ގޮފިތަކުގެ ސެކްރެޓަރީން އަދި ޚަޒާންދާރުންނަށް މައުލޫމާތު ސެޝަނެއް ވެސް ބާއްވާފައެވެ.
