ބެޑްމިންޓަން އެސޯސިއޭޝަން އޮފް ދަ މޯލްޑިވްސް (ބީ.އޭ.އެމް)އާ ގުޅިގެން ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން ބެޑްމިންޓަން ޓްރެއިނިންގ ޕްރޮގްރާމެއް ފަށައިފިއެވެ.
”ޝަޓްލް ޓައިމް“ގެ ނަމުގައި ބާއްވާ މި ޕްރޮގްރާމް ކުރިއަށްދާނީ 2 ދުވަހުގެ މުއްދަތަކަށެވެ. އެއީ މާރިޗު 31 ން އެޕްރީލް 1 އަށެވެ. މި ޕްރޮގްރާމް ކުރިއަށްދަނީ ދިވެހިރާއްޖޭގެ ޤައުމީ ޔުނިވަރސިޓީގެ ޕީ.އީ ހޯލުގައެވެ. މިޕްރޮގްރާމްގެ ތެރެއިން އޮންލައިން ސެޝަންތަކަކާއި އަދި ޕްރެކްޓިސް ސެޝަންތަކެއް ކުރިއަށްދާނެއެވެ. 50 ށްވުރެ ގިނަ ދަރިވަރުންނާއެކު ކުރިއަށްގެންދެވޭ މި ޕްރޮގްރާމަކީ އެމް.އެން.ޔޫ.އެސް.ޔޫ އިން ކުރިއަށް ގެންދާ ބެޑްމިންޓަންގެ މިފަދަ ފުރަތަމަ ޕްރޮގްރާމެވެ.
މާލޭ ކެމްޕަހުގެ ފެކަލްޓީތަކަށް ހުޅުވާލައިގެން ބޭއްވުމަށް ހަމަޖެހިފައިވާ ”އެމް.އެން.ޔޫ.އެސް.ޔޫ އިންޓަރ ފެކަލްޓީ ބެޑްމިންޓަން ޓޯނަމެންޓް 2023“ އެޕްރީލް މަހުގެ 6 ވަނަ ދުވަހު ފަށާގޮތަށް ވަނީ ހަމަޖެހިފައެވެ.
