ފެކަލްޓީ އޮފް އަރޓްސްގެ ގޮފި ސުޓޫޑެންޓް އިނިޝިއޭޓިވް އޮފް އަރޓްސް (ސިއާ)އިން ހިއުމަން ރައިޓްސް ކޮމިޝަން (އެޗް.އާރު.ސީ.އެމް) އާއި ގުޅިގެން ވޯޓާރސް އެޑިއުކޭޝަން ސެޝަންއެއް ބާއްވަން ނިންމައިފިއެވެ.
މިސެޝަން ބާއްވަން ނިންމައިފައިވަނީ 18 ފެބްރުއަރީ (އާދިއްތަ) ދުވަހުގެ ރޭ 8 އިން ރޭގަނޑު 9 އަށް އެމް.އެން.ޔޫ ސީއޭ އޮޑިޓޯރިއަމްގައެވެ. މިހަރަކާތުގައި ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ)ގެ ކޮންމެ ދަރިވަރަކަށްވެސް ބައިވެރިވެވޭނެއެވެ.
އެޗްއާރުސީއެމާއެކު ބާއްވާ މި ހަރަކާތުގެ މަގުސަދަކީ ވޯޓުލުމުގެ މުހިންމުކަން ދަރިވަރުންނަށް ކިޔައިދީ ވޯޓާ އަދި އިންތިހާބުތަކާއި ގުޅޭ އެތަށް މުހިންމު މަޢުލޫމާތުތަކެއް ފޯރުކޮށްދިނުމެވެ. މިހަރަކާތުގެ ތެރެއިން މަޖާ އަދި ޝައުގުވެރި ހަރަކާތްތަކެއް ބޭއްވޭނެ ކަމަށް އެޗްއާރުސީއެމުން މައުލޫމާތުދެއެވެ.
ސިއާގެ އަމާޒަކީ ދަރިވަރުން ބާރުވެރިކުރުމަށް މިފަދަ އެތަށް ހަރަކާތްތަކެއް ކަމާބެހޭ ފަރާތްތަކާއި ގުޅިގެން ބޭއްވުމެވެ. އަދި ސިއާގެ މި ހަރާކަތްތަކަކީ ޤައުމުގެ މުސްތަގްބަލާއި އަދި ޔުނިވާރސިޓީގެ ދަރިވަރުންގެ ކުރިމަގަށް މުހިންމު މަސައްކަތްތަކަކައްވުމެވެ.
