ފެކަލްޓީ އޮފް ހެލްތް ސައިންސަސްއަށް މިއަހަރު އަލަށް ގުޅުނު ދަރިވަރުންނަށް އޮރިއެންޓޭޝަން ބާއްވައިފިއެވެ.
ފެބްރުއަރީ 15 ވީ ބުރާސްފަތި ދުވަހު ހެނދުނު ބޭއްވި މިހަރަކާތުގައި 60 އަށް ވުރެން ގިނަ ދަރިވަރުން ވަނީ ބައިވެރިވެފައެވެ. މިއޮރިއެންޓޭޝަންގައި އެފް.އެޗް.އެސް ގެ ޑީން, ޑރ.އައިޝަތު ޝަނޫރާގެ އިތުރުން ފެކަލްޓީގެ ލެކްޗަރާއިންނާއި އިދާރީ މުވައްޒަފުން ވަނީ ބައިވެރިވެފައެވެ. އަދި ހަމައެހެންމެ އެމް.އެން.ޔޫ.އެސް.ޔޫ ގެ އެފް.އެޗް.އެސް އަށް ނިސްބަތްވާ ގޮފި ”ހީލާރސް“ ގެ ހިންގާކޮމެޓީގެ މެންބަރުންވެސް ވަނީ ބައިވެރިވެފައެވެ.
މި އޮރިއެންޓޭޝަނުގައި ފެކަލްޓީގެ އެކި ޑިޕާރޓްމެންޓްތަކުގެ ތައާރަފަކަށްފަހު ހީލާރސް އިން ވަނީ ހީލާރސްގެ ފަރާތުން ހިންގާ އެކިއެކި ހަރަކާތްތަކުގެ މައުލޫމާތު ހިއްސާކޮށްފައެވެ. އަދި މީގެއިތުރުން ފެކަލްޓީގެ ޑީން އާއި ލެކްޗަރާއިން ވަނީ ދަރިވަރުންނަށް މަރުހަބާގެ ބަސްކޮޅެއް ވިދާޅުވެފައެވެ.
މީގެ އިތުރުން ”ހީލާރސް“ އިން ވަނީ އެފް.އެޗް.އެސް އަށް އަލަށް ގުޅުނު ދަރިވަރުންނަށް ހާއްސަ ކޮށްގެން ކޮންމެ އަހަރަކު ބާއްވަމުން ގެންދާ ”ވެލްކަމް ނައިޓް“ އަށް ދަޢުވަތު އަރުވާފައެވެ.
އެފް.އެޗް.އެސް ގެ އޮރިއެންޓޭޝަނަކީ ”ހީލާރސް“ ގެ ފަރާތުން ކޮންމެ އަހަރަކު ބައިވެރިވަމުން އަންނަ ހަރަކާތެކެވެ.
