އެމް.އެން.ޔޫ ބިޒްނަސް ސުކޫލުގެ ގޮފި ބީ.އެސް.އެސް.އޭ އިން ކޮންމެ ރަމަޞާން މަހަކަށް ހާއްސަ ކޮށްގެން ގެނެސްދެމުން އަންނަ ”ބީ.އެސް.އެސް.އޭ ސްޓޫޑިއޯ“ ގެ ތައްޔާރީތައް ފަށައިފިއެވެ.
އެގޮތުން މި ޕްރޮގުރާމު ހުޅައަޅައި ދިނުމަށް ޝައުގުވެރިކަން ފާޅުކޮށްފައިވާ ދަރިވަރުންނަށް ތަމްރީނުތަކެއްވަނީ ކުރިއަށް ގެންދެވިފައެވެ.
މި ތަމްރީނުތައް ނަގައިދެއްވާފައިވަނީ އެމް.އެން.ޔޫ.އެސް.ޔޫ ބޮޑުބެރު ގުރޫޕުގެ ބާނީ އަދި މިހާރު އެމް.އެން.ޔޫ.އެސް.ޔޫ އެޑްވައިޒަރީ ބޯރޑު މެމްބަރ މުހައްމަދު ޔާސިރުއެވެ. މި ޕްރޮގުރާމް ކުރިއަށް ގެންގޮސްފައި ވަނީ ގޫގުލް މީޓް މެދުވެރިކޮށް, މާރޗު 2, 2024 ވީ ހޮނިހިރު ދުވަހުގެ 22:00އިން 23:00އަށެވެ. މި ޕްރޮގުރާމްގެ މަގުސަދަކީ ދަރިވަރުންގެ ހުށަހެޅުންތެރި ކަމުގެ ހުނަރު ކުރިއެރުވުމަށް އެހީތެރިވުމެވެ. މިގޮތުން ހުށަހެޅުންތެރިކަމުގެ ހުނަރު ކުރިއެރުވުމަށް ކުރެވިދާނެ ގިނަ ކަންތައްތަކެށް ވަނީ ދަރިވަރުންނަށް ކިޔާދެވިފައެވެ.
ބީއެސް.އެސް.އޭ އިން ދަރިވަރުންގެ ހުނަރުތައް ތަރައްގީ ކުރުމަށް މިފަދަ ތަމްރީނުތައް އަންނަނީ ރާވާ އިންތިޒާމު ކުރަމުންނެވެ.
ބީ.އެސް.އެސް.އޭ ސްޓޫޑިއޯއަށް ގިނަބައެއްގެ ތަރުހީބުލިބިފާވާއިރު، މިފަހަރުގެ އަމާޒަކީވެސް ކުރީފަހަރު ތަކަށްވުރެ ކާމިޔާބު ޝޯވއެއް ބެލުންތެރިންނާއި ހަމައަށް ފޯރުކޮށްދިނުމެވެ.
