’ނޫރުލް ޤުރްއާން‘ ކިލާހުގެ ނަމުގައި މެޑިކޯސްއިން އިސްނަގައިގެން އެމް.އެން.ޔޫ ގެ ހުރިހާ ދަރިވަރުންނަށް ހުޅުވާލައިގެން ހިންގުމަށް ނިންމާފައިވާ ޤުރްއާން ކިލާހުގައި ބައިވެރިވުމަށް އިއުލާނުކޮށްފިއެވެ.
މި ކިލާހުގައި މިވަގުތު އެމް.އެން.ޔޫ ގައި ކިޔަވަމުންދާ ކޮންމެ ދަރިވަރަކަށްވެސް ބައިވެރިވުމުގެ ފުރުސަތު ވަނީ ހުޅުވާލެވިފައެވެ. މި ކިލާސް ތަކުގެ މަޤްޞަދަކީ ދަރިވަރުންގެ މެދުގައި ޤުރުއާން އަޑުއެހުމާއި ކިޔެވުމަށް ޝައުޤުވެރިކަން އުފެއްދުމާއި ރީތިކޮށް ތަޖުވީދުގެ މަގުން ކިޔަވަން ފަރިތަކޮށްދިނުމެވެ. ކިލާސްތައް ކުރިއަށް ގެންދިއުމަށް ހަމަޖެހިފައިވަނީ ރަމަޟާން މަހުގެ ކޮންމެ ބުރާސްފަތި އަދި ހޮނިހިރު ދުވަހެއްގެ ރޭ 21:00 އިން 23:00 އަށެވެ.
މި ކިލާސްތަކުގައި ބައިވެރިވުމުގެ ފުރުސަތު ހުޅުވާލާފައިވަނީ ގޫގުލް ފޯމެއް މެދުވެރިކޮށެވެ. މިގޫގްލް ފޯމުގެ ލިންކު ތިރީގައި އެވަނީއެވެ.
https://forms.gle/ZdiXZTmsSiaUNzqa7
ކިލާސްތަކުގައި ކިޔަވައިދެއްވާނީ މި ފަންނުގައި ފުންނާބު އުސް ބޭފުޅުންނެވެ. މިގޮތުން އެންމެ ފުރަތަމަ ހަފްތާގައި ކިލާހުގެ ބައިވެރިންނަށް ކިޔަވައިދެއްވަން ހަމަޖެހިފައިވަނީ މިދިޔަ އަހަރުގެ ރަންތާޖް ޤުރުއާން މުބާރުގެ ފަޙުރުވެރި އެއްވަނަ ހޯއްދަވާފައިވާ މުހަންމަދް ސާއީ މުބާރިކް އެވެ. ސާއީގެ އިތުރުންވެސް ނަން މަޝްހޫރު އެތައް ޤާރީން ކިޔަވައި ދެއްވުމަށް ހަމަޖެހިފައި ވާއިރު، މެޑިކޯސްގެ އުންމީދަކީ މި ޤާރީންގެ ފަރާތުން މި ކިލާހުގެ ބައިވެރިންނަށް އެހީތެރިކަން ލިބި އަގުހުރި ފިލާވަޅުތަކެއް ދަސްވެގެން ދިޔުމެވެ.
