ދިވެހިރާއްޖޭގެ ގައުމީ ޔުނިވާސިޓީގެ ދަރިވަރުންގެ ޔޫނިއަންގެ ކުޅުދުއްފުށި ކެމްޕަހުގެ ގޮފި، ގުރުޒުން އިސްނަގައިގެން ގުރުޒުގެ ލީޑަރުންނަށް އަމާޒުކޮށްގެން ރޯދަވީއްލުމެއް ކުރިޔަށް ގެންގޮސްފިއެވެ.
ފެބްރުއަރީ 28 ވީ ހޮނިހިރުދުވަހު ކުރިޔައް ގެންދިޔަ މި ރޯދަވީއްލުވުމުގައި ތިރީހަށްވުރެ ގިނަ ކުދިން ބައިވެރިވިއެވެ. މި ރޯދަ ވީއްލުން އިތުރަށް ފުރިހަމަވެގެން ދިޔައީ މި ހިނގާ ދައުރުގެ އެމް.އެން.ޔޫ ސްޓޫޑެންޓް ޔުނިއަންގެ ރައީސް މުޙައްމަދު އަޔާޝް އަލީ އަދި ނައިބު ރައީސް އަޙްމަދު ސަމީހުގެ އިތުރުން އެޑްވައިޒަރީ ބޯރޑުގެ މެމްބަރު ޔާސިރު އަދި ނިމިދިޔަ ދައުރުގެ ޔޫނިއަންގެ ރައީސް އިބްރާހީމް މިޝަލް މޫސާ ވެސް މި ހަރަކާތުގައި ބައިވެރިވުމުންނެވެ. ދަރިވަރުން އަމިއްލައަށް ތައްޔާރުކުރި ތަފާތު ކާނާގެ ބާވަތްތަކާއެކު ކުރިއަށްގެންދެވުން މި ރޯދަވީއްލުމަކީ ދަރިވަރުންގެ މެދުގައި އޮންނަ އެކުވެރިކަން އިތުރަށް ބަދަހިކޮށް، ގުޅުން ވަރުގަދަކުރުމަށް ބޭއްވުނު ޚާއްސަ ހަރަކާތެކެވެ.
މި ރޯދަވީއްލުމުގައި ކުޅުދުއްފުށީ ކެމްޕަހުގައި ކިޔަވަމުންދާ ގިނަ އަދަދެއްގެ ދަރިވަރުން ވަނީ ބައިވެރިވެފައެވެ. މިހަރަކާތް ކުރިޔަށް ގެންދެވިފައިވަނީ ކުޅުދުއްފުށީގެ ބޯޒިޔާރަތް ސަރަގައްދުގައެވެ.
މި ރޯދަވީއްލުމަކީ ދަރިވަރުންނަށް އެކަކު އަނެކަކާ ބައްދަލުވެ، ގުޅުން ބަދަހިވުމުގެ ފުރުސަތު ލިބިގެންދިޔަ ހަރަކާތެކެވެ. ގުރުޒުން ދަނީ ދަރިވަރުންގެ މެދުގައި އެކުވެރިކަން އާލާކުރަން މިފަދަ ގިނަ ހަރަކާތްތަކެއް ރާވާ ހިންގަމުންނެވެ.
Menu
Menu
