ކޮންމެ ޓާރމަކުވެސް ފެކަލްޓީ އޮފް ހެލްތް ސައިންސަސް އަށް އަލަށް ގުޅޭ ކުދިންނަށް މަރުޙަބާ ކިޔުމުގެ ގޮތުން ހީލާސްގެ ފަަރާތުން ބާއްވާ ހީލާސް ވެލްކަމް ނައިޓް މިފަހަރު ބާއްވަން ހަމަޖެހިފައިވަނީ އަންނަ ސެޕްޓެމްބަރު މަހުގެ 1 ވަނަ ދުވަހު ރޭގަނޑު 8 ޖަހާއިރުއެވެ. ހީލާސް ވެލްކަމް ނައިޓަކީ ކޮންމެ ޓާރމަކުވެސް ދަރިވަރުންގެ ފަރާތުން އެތަށް ތަރުހީބެއް ލިބޭ އަދި ވަރަށް ގިނަކުދިން އިންތިޒާރު ކުރާ އިވެންޓެކެވެ.
2018 ވަނަ އަހަރުގެ ފުރަތަމަ ޓާރމުގައި ވަނީ ސްކޫލް އޮފް ނާރސިންގް އާއި ފެކަލްޓީ އޮފް އެޑިއުކޭޝަންއިން ވެސް ވެލްކަމް ނައިޓުގައި ބައިވެރިވެފައެވެ. މިފަހަރު ހީލާސްއިން ވަނީ މި ދެ ފެކަލްޓީގެ އިތުރުން އެހެން ފަރާތްތަކަށްވެސް ވެލްކަމް ނައިޓުގައި ބައިވެރިވުމަށް ދަޢުވަތު އަރުވާފައެވެ. އަދި އެހެން އަހަރުތަކާއި ޙިލާފަށް އަލަށް ޔުނިވާރސިޓީއަށް 2018 ވަނަ އަހަރުގެ ދެވަނަ ޓާރމަށް އަލަށް ގުޅުނުކުދިންނަށް އައިޓަމް ހުށައެޅުމުގެ ފުރުސަތެއް ނޯންނާނެއެވެ. ނަމަވެސް އަލަށް ގުޅުނުކުދިންނާއި ފެކަލްޓީގައި މިހާރުވެސް ކިޔަވަމުންދާ ދަރިވަރުން ގުޅިގެން އައިޓަމް ހުށައެޅޭނެއެވެ.
ދަރިވަރުން ހުށައަޅައިދޭ އައިޓަމް ތަކުގެ އިތުރުން 2018 ވަނަ އަހަރުގެ ފުރަތަމަ ޓާރމުގައި ބޭއްވުނު ދެ އިވެންޓެއް ކަމުގައިވާ ހީލާސް ހީނާފަތް އެޅުމުގެ މުބާރާތާއި ވޯލްޑް ހެލްތް ޑޭ ގައި ބޭއްވުނު ހިނގާލުމުގައި ބޭއްވި ކޮސްޓިއުމް މުބާރާތުގެ ނަތީޖާ ފާޅުކުރުންވެސް އޮންނާނެއެވެ.
ކޮންމެ ވެލްކަމް ނައިޓަކަށްވެސް ތީމްއެއް ކަނޑައެޅިފައިވެއެވެ. އެގޮތުން ދަރިވަރުންގެ އެކި ހަރަކާތްތަށް ފެންނަ މިފަހަރުގެ ވެލްކަމް ނައިޓުގެ ތީމް އަކީ ”ނިއޯން“ އެވެ. އައިޓަމް ތަކުގައި ބައިވެރުވުމަށް އެފް.އެޗް.އެސްގެ ދަރިވަރުންނަށް މިހާރުވަނީ ފުރުސަތު ހުޅުވާލެވިފައެވެ. އައިޓަމް ތަކުގައި ރެޖިސްޓަރ ކުރާ ފޯމް ދޫކުރުރާނީ އެފް.އެޗް.އެސްގެ ކައުންޓަރުންނެވެ. ރެޖިސްޓާރ ކުރުމަށް ފޯމް ލެވޭނެ އެންމެ ފަހު ތާރީޙަކީ 27 އޯގަސްޓް ވާ ހޯމަ ދުވަހުގެ 13:30 ވުމުގެ ކުރިންނެވެ. ވެލްކަމް ނައިޓަށް ބައިވެރިވުމަށް ދަޢުވަތުދީފައިވާ އެހެން ފެކަލްޓީ ތަކުން އައިޓަމް ތަކަށް ރެޖިސްޓަރ ކުރާކަށް ނުޖެހޭނެއެވެ.
ހީލާސް ވެލްކަމް ނައިޓްއާއި ބެހޭގޮތުން މަޢުލޫމާތު ހޯދެއްވުމަށް ހީލާސްގެ ސޯޝަލް މީޑިއާ ޕޭޖް އަކަށް މެސްޖް ކުރުވޭނެއެވެ. ނުވަތތަ ހީލާސްގެ މެމްބަރަކަށް ގުޅާލުމުން އިތުރު މަޢުލޫމާތު ލިބޭނެއެވެ.
