ހީލާރސްގެ އެންމެ ފުރަތަމަ އިވެންޓެއްގެ ގޮތުން ބާއްވާފައިވަނީ މޫވީ ނައިޓެކެވެ. މާރިޗު މަހުގެ 7 ވަނަދުވަހުގެ ރޭ 8:30 ފެކަލްޓީ އޮފް ހެލްތް ސައިންސެސް/ އެސް.އެން ގެ އޮޑިޓޯރިއަމްގައި ”ސްޕައިޑަރ-މޭން އިންޓުދަ ސްޕައިޑަރ ވާރސް“ އެނިމޭޓެޑް މޫވީ ވަނީ އަޅުވާފައެވެ.
މިއީ ކޮންމެ ސެމެސްޓަރ އެއްގައިވެސް އެންމެ ބޮޑު ތަރުހީބު ލިބޭ ”ހީލާރސް ވެލްކަމް ނައިޓް“ ބޭއްވުަމަށް ފަންޑް ރައިސް ކުރުމަށް ކުރިއަށް ގެންދިޔަ ހަރަކާތެކެވެ. މޫވީ ޓިކެޓް ވިއްކުމުގެއިތުރުން ޕޮޕް-ކޯން އަދި ޖޫސް ވެސް ވިއްކާފައިވެއެވެ.
