އެމް.އެން.ޔޫ.އެސް.ޔޫ އިންޓަރ-ފެކަލްޓީ ވޮލީބޯޅަ މުބާރާތުގެ ފިރިހެން ޑިވިޝަނުގައި އާދީއްތަ ދުވަހުގެރޭ ކުޅުނު މެޗުތައް ފެކަލްޓީ އޮފް ޝަރީއާއިން ލޯ އާއި ފެކަލްޓީ އޮފް ހެލްތު ސައިންސްއިން ކާމިޔާބުކޮށްފިއެވެ.
ފުރަތަމަ މެޗުގައި ސެންޓަރ ފޯރ މެރިޓައިމް ސްޓަޑީޒް (ސީ.އެމް.އެސް) އާއި ވާދަކޮށް އެފް.އެސް.އެލް އިން ކުރިހޯދީ ސީދާ ދެ ސެޓުންނެވެ. ވާދަވެރި މި މެޗުގެ ސެޓުތައް އެފް.އެސް.އެލް އިން ކާމިޔާބުކުރީ 25-21 އަދި 27-25 ގެ ނަތީޖާއަކުންނެވެ. މި މެޗުގެ މޮޅު ކުޅުންތެރިޔަކަށް ހޮވުނީ އެފް.އެސް.އެލް ޓީމުގެ ޖާޒީ ނަންބަރު 9، އާދަމް އައްމާރެވެ.
ދެވަނަ މެޗުގައި ބައްދަލުކުރީ އެފް.އެޗް.އެސް އާއި ސްކޫލް އޮފް ނާސިންގ (އެސް.އެން) އެވެ. އެފް.އެޗް.އެސް. އިން މި މެޗު ކާމިޔާބުކުރީ 25-18 އަދި 25-19 ގެ ނަތީޖާއަކުންނެވެ. މި މެޗުގައި މޮޅުކުޅުންތެރިޔާގެ މަގާމު ހާސިލްކުރީ އެފް.އެޗް.އެސް ޓީމުގެ ޖާޒީ ނަންބަރު 13، އަހްމަދު އަނޫފެވެ.
މުބާރާތުގައި އެފް.އެސް.އެލް އާއި އެފް.އެޗް.އެސް ކުޅުނު ފުރަތަމަ މެޗުގައި ދެޓީމަށްވެސް ޖެހުނީ ނާކާމިޔާބީ އާއި ކުރިމަތިލާށެވެ. ނަމަވެސް މި މެޗުން މޮޅުވުމާއެކު ދެޓީމަށްވެސް މުބާރާތުގައި ކުރިއަށް ދިއުމުގެ އުންމީދު ވަނީ އައުވެފައެވެ.
އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތަކީ 2015 ވަނަ އަހަރުން ފެށިގެން ސިލްސިލާގޮތެއްގައި މެދުކެނޑުމެއްނެތި ކޮންމެ އަހަރަކު ބާއްވަމުން އަންނަ މުބާރާތެކެވެ. މިއަހަރު މި ބޭއްވެނީ މިފަދަ 8 ވަނަ މުބާރާތެވެ. މިއަހަރުގެ މުބާރާތުގެ ސްޕޮންސަރުންގެ ތެރޭގައި އީސްޓޭޓް ކޮންސްޓްރަކްޝަން ސޮލިއުޝަންސް، އެންޒީ، އޭވް އަދި އޮއޭސެސް ހިމެނެއެވެ. މުބާރާތުގެ ޕްރިންޓިންގ ޕާޓްނަރ އަކީ ކުލަ މޯލްޑިވްސް އެވެ. އަދި އޮންލައިން މީޑިއާ ޕާޓްނަރ އަކީ ސަން މީޑިއާ ގްރޫޕެވެ.
