ދިވެހިރާއްޖޭގެ ޤައުމީ ޔުނިވަރސިޓީ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން ކުރިޔަށް ގެންދާ ދެވަނައަށް އެންމެ ބޮޑު މުބާރާތް ކަމުގައިވާ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތް 2024 ގެ ގުރުއަތުލުމުގެ ރަސްމިއްޔާތު ބާއްވައިފިއެވެ.
18 އޭޕްރީލް ވީ ބުރާސްފަތި ދުވަހުގެ ރޭ އެމް.އެން.ޔޫ ޕީ.އީ ހޯލުގައި ކުރިއަށްދިޔަ މި ހަފްލާގައި ޓީމުތަކުގެ ކެޕްޓަނުންނާއި، މެނޭޖަރުންގެ އިތުރުން މުބާރާތުގެ ހިންގާ ކޮމިޓީގެ މެންބަރުން ވަނީ ބައިވެރިވެފައެވެ.
ދެ ޑިވިޝަނަކަށް ބަހާލައިގެން ކުރިޔަށް ގެންދާ މި މުބާރާތުގެ އަންހެން ޑިވިޝަނުގައި 9 ފެކަލްޓީއަކުން ބައިވެރިވެފައިވާއިރު، ފިރިހެން ޑިވިޝަނުގައި ވެސް 9 ފެކަލްޓީއަކުން ވަނީ ބައިވެރިވެފައެވެ.
މުބާރާތުގެ ގުރުއަތުލުން ނަގާފައިވަނީ ފާއިތުވެދިޔަ އަހަރެކޭ އެއްގޮތަށް އެންމެ ފަހުގެ 2 ޗެމްޕިއަން ޓީމް 2 ގްރޫޕަށް ދާގޮތަށް ސީޑް ކުރެވިގެންނެވެ.
މިގޮތުން ފިރިހެން ޑިވިޝަނުގެ 2 ގުރޫޕް އެތުރިފައިވާ ގޮތަކީ:
ގްރޫޕް އޭ
ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ
ފެކަލްޓީ އޮފް ހެލްތް ސައިންސަސް
ފެކަލްޓީ އޮފް އެޑިއުކޭޝަން
ސްކޫލް އޮފް ނާރސިންގ
ސްކޫލް އޮފް މެޑިސިންގ
ގްރޫޕް ބީ
ސެންޓަރ ފޯ ފައުންޑޭޝަން ސްޓަޑީޒް
ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް
ފެކަލްޓީ އޮފް އާރޓްސް
އެމް.އެން.ޔޫ ބިޒްނަސް ސްކޫލް
އަދި އަންހެން ޑިވިށަނުގެ 2 ގުރޫޕް އެތުރިފައިވާ ގޮތަކީ:
ގްރޫޕް އޭ
ސްކޫލް އޮފް ނާރސިންގ
ފެކަލްޓީ އޮފް ޝަރީޢާ އެންޑް ލޯ
ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް
ފެކަލްޓީ އޮފް އާރޓްސް
ސެންޓަރ ފޯ ފައުންޑޭޝަން ސްޓަޑީޒް
ގްރޫޕް ބީ
ފެކަލްޓީ އޮފް ހެލްތް ސައިންސަސް
ފެކަލްޓީ އޮފް އެޑިއުކޭޝަން
އެމް.އެން.ޔޫ ބިޒްނަސް ސްކޫލް
ސްކޫލް އޮފް މެޑިސިންގ
މުބާރާތް ފެށުމަށް ހަމަޖެހިފައިވަނީ 25 އޭޕްރީލް 2024ވާ ބުރާސްފަތި ދުވަހެވެ. މުބާރާތުގެ ހުރިހާ މެޗެއް ކުޅުމަށް ހަމަޖެހިފައިވަނީ އެމް.އެން.ޔޫ ޕީ.އީ ހޯލުގައެވެ
ސިލްސިލާ ގޮތެއްގައި ބާއްވަމުންދާ މި މުބާރާތަކީ އެމް.އެން.ޔޫ.އެސް.ޔޫގެ 2 ވަނަ އަށް އެންމެ ބޮޑު ޙަރަކާތެވެ. މިއަހަރު ބޭއްވުމަށް ހަމަޖެހިފައިވަނީ މީގެ 10 ވަނަ މުބާރާތެވެ. ވޭތުވެދިޔަ އަހަރު ފިރިހެން ޑިވިޝަނުގެ ފައިނަލުގައި ސެންޓަރ ފޯ ފައުންޑޭޝަން ސްޓަޑީޒް ގެ މައްޗަށް ކުރިހޯދައި މުބާރާތުގެ ޗެމްޕިއަންކަން ހޯދާފައިވަނީ ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ އިންނެވެ. އަދި ފެކަލްޓީ އޮފް ހެލްތް ސައިންސަސް ބަލިކޮށް އަންހެން ޑިވިޝަނުގެ ތަށި އުފުލާލީ ސްކޫލް އޮފް ނާރސިންގ ޓީމެވެ.
