ޔޫނިއަންގެ ތާރީޙީހުގައި ބޭއްވުނު ފުރަތަމަ އިނގިރޭސި ބަހުސް މުބާރާތުގެ ފަޙުރުވެރި ޗެމްޕިއަންކަން އެފް.އީ އަށް!

.ދިވެހިރާއްޖޭގެ ޤައުމީ ޔުނިވަރސިޓީ ދަރިވަރުން ޔޫނިއަންގެ ތާރީހުގައި މުޅިން އަލަށް ކުރިއަށްގެންދިޔަ އިނގިރޭސި ބަހުސް މުބާރާތުގެ ފަޙުރުވެރި ޗެމްޕިއަންކަން ފެކަލްޓީ އޮފް އެޑިއުކޭޝަން (އެފް.އީ)ގެ ޓީމުން ހޯދައިފިއެވެ

ތާރިޙީ މި ތަށި އެފް.އީގެ ޓީމުން ހާސިލްކޮށްފައި މިވަނީ ފައިނަލުގައި ފެކަލްޓީ އޮފް ޝަރީޢާ އެންޑް ލޯ (އެފް.އެސް.އެލް)ގެ ޓީމާއި ވާދަކޮށް ކުރިހޯދައިގެންނެވެ. 13 ޖޫން ވީ ބުރާސްފަތި ދުވަހުގެ ރޭ އެމް.އެން.ޔޫ ސެންޓްރަލް އޮޑިޓޯރިއަމްގައި ކުރިއަށްދިޔަ ފޯރިގަދަ މި ބަހުސްގައި އެފް.އީގެ ޓީމުން މައުޟޫއާއި ދެކޮޅަށް ވަކާލަތުކުރިއިރު، އެފް.އެސް.އެލްގެ ޓީމުން ބަހުސްކޮށްފައިވަނީ މައުޟޫއާއި އެއްކޮޅަށެވެ. ޖުމުލަ 1419 ޕޮއިންޓުގެ ނަތީޖާއަކުން އެފް.އީ ބަހުސް ކާމިޔާބުކުރި، އެންމެ މޮޅު ބަހުސް ކުރުންތެރިޔާގެ މަޤާމު ހާސިލްކޮށްފައިވަނީ އެފް.އީ ޓީމުގެ އަބްދުﷲ ރާޒި މުހައްމަދުއެވެ. އެފް.އެސް.އެލްގެ ޓީމަށް ލިބިފައިވަނީ 1310 ޕޮއިންޓެވެ.

މި ބަހުސަށްފަހު މުބާރާތުގެ ނިންމުމުގެ ރަސްމިއްޔާތު ވަނީ ކުރިއަށް ގެންގޮސްފައެވެ. މި ރަސްމިއްޔާތު ޝަރަފްވެރިކޮށްދެއްވީ އެމް.އެން.ޔޫގެ ވައިސް ޗާންސެލަރ ޑރ. އައިޝަތު ޝެހެނާޒް އާދަމްއެވެ. އަދި ގެސްޓް އޮފް އޮނަރ އެއްގެ ގޮތުން އެމް.އެން.އެސް.ޔޫގެ ފުރަތަމަ ރައީސް އައްޝައިޙް ޙާތިމް ޔޫސުފްވަނީ ބައިވެރިވެ ވަޑައިގެންފައެވެ. މީގެއިތުރުން ޔޫނިއަންގެ ހިންގާ ކޮމެޓީގެ މެމްބަރުންނާއި އެޑްވައިޒަރީ ބޯޑުގެ މެމްބަރުންވަނީ ބައިވެރިވެފައެވެ.

މި މުބާރާތުގެ އެންމެ މޮޅު 5 ބަހުސްކުރުންތެރިންނާއި ކޮންމެ ޓީމެއްގެ މޮޅު ބަހުސްކުރުންތެރިޔާއަށް ވަނީ އިނާމްދެވިފައެވެ. އެގޮތުން މުބާރާތުގެ އެންމެ މޮޅު 5 ބަހުސްކުރުންތެރިންނަށް އިނާމު ހަވާލުކޮށްދެއްވީ ދަރިވަރުންގެ އަމީދު އާޝިޔާ ލީލާ އަހްމަދެވެ. މުޅި މުބާރާތުގެ އެންމެ މޮޅު 5 ބަހުސްކުރުންތެރިންގެ ތެރޭގައި ހިމެނެނީ:

ފާތިމަތު މާހާ އާދިލް (ސްކޫލް އޮފް މެޑިސިން)
ޝަމަން އަލީ (ފެކަލްޓީ އޮފް ޝަރީޢާ އެންޑް ލޯ)
އައިޝަތު މާހީ އަގްލީލް (ފެކަލްޓީ އޮފް ޝަރީޢާ އެންޑް ލޯ)
އައިޝަތު ދިފްލާ އިބްރާހިމް (ފެކަލްޓީ އޮފް އެޑިއުކޭޝަން)
މަރިޔަމް ޝާރާ ޝުޖާއު (ފެކަލްޓީ އޮފް އެޑިއުކޭޝަން)

މުބާރާތުގެ ބައިވެރިވި ކޮންމެ ޓީމެއްގެ އެންމެ މޮޅު ބަހުސްކުރުންތެރިންނަށް ހޮވިފައިވާ ފަރާތްތަކަށް އިނާމް ހަވާލުކޮށްދެއްވީ ފެކަލްޓީ އޮފް އެޑިއުކޭޝަންގެ ޑީން ނާދިޔާ އަހްމަދެވެ. މި އިނާމުތައް ހާސިލްކޮށްފައިވަނީ:

1. ފާތިމަތު މާހާ އާދިލް (ސްކޫލް އޮފް މެޑިސިން)

އައިޝަތު ދިފްލާ އިބްރާހިމް (ފެކަލްޓީ އޮފް އެޑިއުކޭޝަން)
ޝަމަން އަލީ (ފެކަލްޓީ އޮފް ޝަރީޢާ އެންޑް ލޯ)
އައިމިނަތު އިރަމް ސަލީމް (ސެންޓަރ ފޯ ފައުންޑޭޝަން ސްޓަޑީސް)
ޒާން މުހައްމަދު ޒުލާލު (ފެކަލްޓީ އޮފް އިންޖިނިއަރިންގ ސައިންސް އެންޑް ޓެކްނޮލަޖީ)

.މުޅި މުބާރާތުގެ އެންމެ މޮޅު ބަހުސްކުރުންތެރިޔާގެ މަޤާމު ހާސިލްކޮށްފައިވަނީ އެފް.އެސް.އެލް ޓީމުގެ ޝަމަން އަލީއެވެ. މި މަޤާމަށް އިނާމު ހަވާލިކޮށްދެއްވީ އެމް.އެން.ޔޫ.އެސް.ޔޫގެ ފުރަތަމަ ދައުރުގެ ރައީސް އައްޝައިޙް ޙާތިމް ޔޫސުފްއެވެ

މުބާރާތުގެ ރަނަރއަޕް ޓީމް، ފެކަލްޓީ އޮފް ޝަރީޢާ އެންޑް ލޯ، އަށް އިނާމު ހަވާލުކޮށްދެއްވީ ދިވެހިރާއްޖޭގެ ޤައުމީ ޔުނިވަރސިޓީގެ ޑެޕިއުޓީ ވައިސް ޗާންސެލަރ ޑރ ރަހީމާ އަބްދުއްރަހީމްއެވެ. އަދި ޗެމްޕިއަން ޓީމަށް އިނާމު ހަވާލުކޮށްދެއްވީ ހަފްލާގެ ޝަރަފްވެރި މެހްމާން އެމް.އެން.ޔޫގެ ވައިސް ޗާންސެލަރ ޑރ. އައިޝަތު ޝެހެނާޒް އާދަމްއެވެ.

.މިއަހަރުގެ މުބާރާތް ކާމިޔާބު ކަމާއެކު ނިންމާލުމުގައި ފަޑިޔާރުންގެ ފަރާތުން ލިބުނު އެއްބާރުލުމާއި އެހީތެރިކަން ފާހަގަކޮށް އަދުވަޒަންކުރުމުގެ ގޮތުން ވަނީ ފަޑިޔާރުންނަށްވެސް ވަނީ ހަނދާނީ ލިޔުންދެވިފައެވެ

މި ހަފްލާ ޝަރަފްވެރިކޮށްދެއްވައި ވާހަކަފުޅު ދައްކަވަމުން ވައިސް ޗާންސެލަރ ވިދާޅުވީ ބަހުސްކުރުމަކީ ކިޔެވުމުގެ ގިނަ ހުނަރުތަކެއް ދަސްވެގެންދާ ހަރަކާތެއްކަމުގައެވެ. އަދި މިފަދަ ހަރަކާތްތައް ރާވާ އިންތިޒާމު ކުރުމުގައި ޔޫނިއަނުން ކުރަމުން އަންނަ މަސައްކަތްތައް ފާހަގަކުރަށްވާ، ޔޫނިއަނަށް މިސް ވަނީ .ޝުކުރުއަދާކުރަށްވާފައެވެ

މިފަހަރުގެ މުބާރާތްވެސް އިންތިޒާމުކޮށް ހިންގުމުގައި ޔޫނިއަންގެ އިސްވާރުންގެ ފަރާތުން ލިބުނު އެއްބާރުލުމަކީ ހަރަކާތް ކާމިޔާބުކަމާއެކު ނިންމާލުމުގައި އެންމެ އިސްރޯލެއް އަދާކުރި ފަރާތްތަށްކަމުގައި ފާހަގަކުރަށްވާ، ޔޫނިއަންގެ ނައިބު ރައީސް (އިލްމީ) މުހައްމަދު ނާބިތު އަހުމަދުގެ ވާހަކަފުޅުގައި ވަނީ މުބާރާތް ހިންގާ އިންތިޒާމުކުރުމުގައި އެހީތެރިވެދިން ހުރިހާ ބޭފުޅުންނަށް އިޖުމާލީ ގޮތެއްގައި ޝުކުރުއަދާކުރަށްވާފައެވެ.

ދަރިވަރުންގެ ޔޫނިއަނުން ކުރިއަށްމިގެންދެވޭ އިނގިރޭސި ބަހުސް މުބާރާތަކީ އިނގިރޭސިބަހަށް ފަރިތަ، މިފަންނަށް ޝައުޤުވެރިވާ ދަރިވަރުންނަށް، ޢިލްމީ ފެންވަރެއްގައި އުފެއްދުންތެރި ގޮތުގައި ޚިޔާލު ފާޅުކުރުމުގެ ފުރުޞަތު ފަހިކޮށްދީ، ދޫފަރިތަ، ކުޅަދާނަ ވާހަކަދެއްކުންތެރިންތަކެއް އުފެއްދުމުގެ މަޤްޞަދުގައި ކުރިއަށްގެންދެވޭ މުބާރާތެކެވެ.