ފެކަލްޓީ އޮފް ހެލްތް ސައިންސަސް (އެފް.އެޗް.އެސް) އާއި އެމް.އެން.ޔޫ ބިޒްނަސް ސްކޫލް (އެމް.އެން.ޔޫ ބީ.އެސް) އަށް މި އޮގަސްޓް އިންޓޭކްގައި ގުޅުނު ދަރިވަރުންނަށް، ހީލަރސް އާއި ބީ.އެސް.އެސް.އޭ ގުޅިގެން ބާއްވާ ވެލްކަމް ނައިޓް މި އަންނަ ހޮނިހިރު ދުވަހުގެ ރޭ ބޭއްވުމަށް ނިންމައިފިއެވެ.
މި ހަރަކާތް ބޭއްވުމަށް ހަމަޖެހިފައިވަނީ އެފް.އެޗް.އެސް ގެ ކޮންފަރެންސް ހޯލުގައި ހޮނިހިރު ދުވަހުގެ ރޭގަނޑު 19:45 ގައެވެ.
މިއީ ކޮންމެ ސެމިސްޓަރަކު ވެސް ޔުނިވާސިޓީއަށް އަލަށް ގުޅޭ ދަރިވަރުންނަށް ހާއްސަކޮށްގެން ފެކަލްޓީތަކުގެ ގޮފިތަކުން އިސްނަގައިގެން ބާއްވަމުން އަންނަ ހަރަކާތެކެވެ.
ވެލްކަމް ނައިޓް ގެ މައިގނޑު މަގުސަދަކީ ދަރިވަރުން އެއްބައިވަންތަކުރުމާއި، އަލަށް އެފް.އެޗް.އެސް އަދި ބީ.އެސް އަށް ގުޅޭ ދަރިވަރުންނަށް އެކުވެރި މަޖާ މާހައުލެއްގެ ތެރެއިން އައު އެކުވެރިން ހޯދުމަށް ފުރުސަތު ތަނަވަސް ކޮށްދިނުމެވެ. އަދި ދަރިވަރުން އިތުރު ހަރަކާތް ތަކުގައި ބައިވެރިވެ، އިސްވެ އުޅުމަށް ބާރުއެޅުމެވެ.
މިފަހަރުގެ ވެލްކަމް ނައިޓުގައިވެސް ތަފާތު މަޖާ ގޭމްތަކާއި އެކި ކަހަލަ ސަޕްރައިޒްތަކާއި ހަރަކާތްތަށް ކުރިއަށް ގެންދިޔުމަށް ވަނީ ރޭވިފައެވެ.
މި ސެމިސްޓާރގައި އެފް.އެޗް.އެސް އާއި ބީ.އެސް އަށް އަލަށް ގުޅުނު ކޮންމެ ދަރިވަރަކަށް ވެސް ވެލްކަމް ނައިޓުގައި ބައިވެރިވެވުމުގެ ފުރުސަތު ވަނީ ހުޅުވާލާފައެވެ.
ބީ.އެސް އަދި ހީލާރސްގެ ވެލްކަމް ނައިޓްތަކަށް އަބަދުވެސް ދަރިވަރުންގެ ބޮޑު ތަރުހީބެއް ލިބިފައިވާކަން ފާހަގަކޮށްލަމެވެ.
މިއީ ހީލާރސް އާއި ބީ.އެސް.އެސް.އޭ ގުޅިގެން ކުރިއަށްގެންދެވޭ ފުރަތަމަ ހަރަކާތް ވެސްމެއެވެ.
