ނިއަރެސް ގެ ”ލީޑާރސް ޓްރިޕް“ މި އަހަރު ވެސް ކާމިޔާބުކަމާއިކު ނިންމާލައިފި!

ނިއަރެސް އަށް އަލަށް ގުޅުނު ލީޑަރުންނަށް ޚާއްސަ ކޮށްގެން ކޮންމެ އަހަރަކު ”ލީޑާރސް ޓްރިޕް“ ގެ ނަމުގައި ކުރަމުން އަންނަ ޕިކްނިކް ދަތުރު މި އަހަރު ވެސް ކާމިޔާބުކަމާއިއެކު ނިންމާލައިފިއެވެ.

24 ފެބްރުއަރީ ވީ ހޮނިހިރު ދުވަހު ކުރެވުނު މި ދަތުރުގައި ނިއަރެސްގެ އަލަށް އިންތިޚާބުވި ހިންގާ ކޮމިޓީގެ މެންބަރުންނާއި، ނިއަރެސް އަށް އަލަށް ގުޅުނު ލީޑަރުންނާއި، ނިއަރެސް ގެ މިހާރުގެ ލީޑަރުންނާއި، ކުރީގެ ލީޑަރުންނާއި، އެސް.އެން ގެ ބައެއް ލެކްޗަރާއިންގެ އިތުރުން އެސް.އެން ގެ ޑީން އާސިޔާ އިބްރާހިމް ވެސް ވަނީ ބައިވެރިވެ ވަޑައިގެންފައެވެ.

މިދަތުރުގެ މައިގަނޑު މަޤްސަދަކީ އައު ލީޑަރުންނާއި ހިންގާ ކޮމިޓީ މެންބަރުން އަދި ކުރީގެ ލީޑަރުންނާއި އޮތް ގުޅުން އިތުރަށް ބަދަހިކޮށް އުފާވެރި މާހައުލެއްގެ ތެރެއިން، އެންމެންނާ ގުޅިގެން މަސައްކަތްކުރާނެ ގޮތްތައް އައު ލީޑަރުންނަށް ދަސްކޮށްދިނުމެވެ.

ދަތުރު ފެށިގެން ދިޔައީ ދަތުރުގެ ހުރިހާ ބައިވެރިންނާއިއެކު އެއްކުއްޖަކު އަނެއް ކުއްޖަކަށް ތަޢާރަފުވި ކޮފީއަކުންނެވެ. އެއަށްފަހު ހެނދުނުގެ ނާސްތާއާއިއެކު ޓީމްތަކުގެ މެދުގައި ވާދަވެރި އަދި މަޖާ ހަރަކާތްތަކެއް ވަނީ ކުރިއަށް ގެންގޮސްފައިއެވެ. ފޯރިގަދަ ކުޅިވަރުތަކާއެކު ދަތުރު ނިންމާލީ ބާބެކިއު އަކުންނެވެ.