ދުނިޔޭގެ ސިއްހަތު ދުވަހުގެ މުނާސަބަތުގައި ނިއަރެސް، މެޑިކޯސް އަދި ހީލާރސް ގުޅިގެން ކުރިޔަށްގެންދާ ހަރަކާތްތަކުގެ ތެރެއިން ކޮންމެ އަހަރަކުވެސް ކުރިޔަށް ގެންދާ ކުއިޒް މުބާރާތް ރީބްރޭންޑް ކޮށް “ ހޫ ވޯންޓްސް ޓު ބީ އަ ހެލްތީ ބިލިއަނަރ؟“ ގެ ނަމުގައި ކުރިޔަށް ގެންދެވުނު ކުއިޒަށް ދަރިވަރުންގެ ފަރާތުން ވަނީ ބޮޑު ތަރުޚީބެއް ލިބިފައެވެ.
މި ސުވާލު މުބާރާތް ކުރިޔަށް ގެންދެވިފައި ވަނީ 19 އޭޕްރިލް ވީ ހުކުރު ދުވަހުގެ ރޭ ސްކޫލް އޮފް ނާރސިންގެ ކޮންފަރެންސް ހޯލުގަ އެވެ.
މި މުބާރާތުގައި ޖުމްލަ 5 ފެކަލްޓީއިން ބައިވެރި ވެފައިވާއިރު، 3 ރައުންޑް ކުޅުމަށް ފަހު ފައިނަލްގައި ވާދަ ކޮށްފައިވަނީ އެންމެ މަތިން ޕޮއިންޓް ހޯދި 2 ޓީމްއެވެ. ފައިނަލްގައި މެޑިކޯސް އަދި ޝެޓްސް ވާދަ ކޮށްގެން ތަފާތު ބޮޑުކޮށް މި މުބާރާތް ކާމިޔާބް ކޮށްފައި ވަނީ މެޑިކޯސްއެވެ.
