ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ)އާ މިއަހަރުގެ ދެވަނަ ސެމިސްޓަރގައި އަލަށް ގުޅުނު ދަރިވަރުންނަށް އޮރިއެންޓޭޝަން ބާއްވައިފިއެވެ.
11 އޮގަސްޓް ވީ އާދިއްތަ ދުވަހު ހެދުނު އެމް.އެން.ޔޫ ސެންޓްރަލް އެޑްމިނިސްޓްރޭޝަން އޮޑިޓޯރިއަމްގައި ކުރިއަށްދިޔަ މި އޮރިއެންޓޭޝަންގައި ޔުނިވަރސިޓީގެ އެކި ހިދުމަތްތަކާއި، ދަރިވަރުންގެ އިދާރީ ކަންތައްތަކާ ގުޅޭ މައުލޫމާތުގެ އިތުރުން ރަޖިސްޓްރޭޝަން އަދި މިނޫންވެސް ދަރިވަރުންނާ ގުޅޭ މުހިންމު މައުލޫމާތުތައްވަނީ ހިއްސާކުރެވިފައެވެ. އަދި ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އާއި ގުޅޭ މައުލޫމާތުތައް ވެސް ވަނީ ދަރިވަރުންނަށް ދީފައެވެ.
ކުރީ އަހަރު ތަކެކޭވެސް އެއްގޮތައް މިއަހަރުގެ އޮރިއެންޓޭޝަންގައި ވެސް އެމް.އެން.ޔޫ.އެސް.ޔޫގެ ލީޑާރސްގުރޫޕުގެ ގިނަ މެމްބަރުންވަނީ ބައިވެރިވެފައެވެ. އަދި މި ސެމިސްޓަރގައި އަލަށް އެމް.އެން.ޔޫ އަށް ގުޅުނު ދަރިވަރުންގެ ތެރެއިން ޔޫނިއަންގެ ލީޑަރސް ގްރޫޕަށް ވަންނަން ޝައުޤުވެރިވާ ކުދިންނަށް އެ ފުރުސަތު ވެސް ވަނީ ހުޅުވާލެވިފައެވެ.
އެމް.އެން.ޔޫ އަށް ކޮންމެ ސެމިސްޓަރ އެއްގައި އަލަށް ގުޅޭ ދަރިވަރުންނަށް ހާއްސަކޮށްގެން ސިލްސިލާކޮށް ބާއްވަމުން އަންނަ އޮރިއެންޓޭޝަންގައި ދަރިވަރުންގެ ޔޫނިއަންގެ ފަރާތުން އަބަދުވެސް އަންނަނީ ބައިވެރިވަމުންނެވެ. މިއީ އެމް.އެން.ޔޫގެ ކޯސްތަކަށް އަލަށް ގުޅޭ ދަރިވަރުންނަށް ބޭނުންވާނެ މުހިންމު މައުލޫމާތުތައް ފޯރުކޮށްދިނުމުގެ މަޤުސަދުގައި ބާއްވާ ޖެނެރަލް އޮރިއެންޓޭޝަނަވެ. މީގެ އިތުރުން ވަކި ވަކި ފެކަލްޓީތަކުން ބާއްވާ އޮރިއެންޓޭޝަންތައް ވެސް މިހަފްތާގެ ތެރޭގައި ކުރިއަށްދާނެއެވެ.
