ލ ގަމު ކައުންސިލް އެމް.އެން.ޔޫ.އެސް.ޔޫ އަހުރަ ހޭންޑްބޯޅަ މުބާރާތް 2024ގެ އަންހެން ޑިވިޝަނުގެ ފައިނަލުގައި އައުޓްރީފް ސްޕޯޓްސް ކުލަބް އަތުން ގަމު ރީޖަނަލް ހޮސްޕިޓަލް (ޖީ.އާރ.އެޗް) ފަސޭހަކަމާއެކު ކުރިހޯދައި ޗެންޕިއަންކަން ހޯދައިފިއެވެ.
7 ސެޕްޓެމްބަރ ވީ ހޮނިހިރު ދުވަހުގެ ރޭ މަތިމަރަދޫ ފުޓްސަލް ދަނޑުގައި ކުޅެވިގެންދިޔަ މި މުބާރާތުގެ ފައިނަލް މެޗް ޝަރަފްވެރިކޮށްދެއްވި ކޮށްދެއްވީ ލ ގަމު ދާއިރާގެ މަޖިލިސް މެމްބަރ ޔޫސުފް ނަޝީދުއެވެ. އަދި ކައުންސިލްގެ ރައީސް އަހުމަދު ޒަކީގެ އިތުރުން އެހެނިހެން މުއައްސަސާތަކުގެ އިސްވެރިންވެސް ވަނީ ބައިވެރިވެ ވަޑައިގަންނަވާފައެވެ.
ދެ ޓީމުގެ ފަރާތުންވެސް މޮޅު ކުޅުމެއް ފެނިގެންދިޔަ މި މެޗުގައި ދެ ޓީމުގެ ކީޕަރުންވެސް ވަނީ ތަފާތު މޮޅު ކުޅުމެއް ދައްކާފައެވެ. ފުރަތަމަ ހާފް ނިމުނުއިރު، 03-08 ގެ ނަތީޖާއަކުން ޖީ.އާރް.އެޗް ކުރިހޯދައިފައި ވީނަމަވެސް ދެވަނަ ހާފުގައި އައުޓްރީފް ސްޕޯޓަސް ކުލަބުން ކުޅުން ވަރުގަދަކޮށް ހަ ލަނޑު ޖެހައި، އެއް ލަނޑަށް ފަރަގު ކުޑަކޮށްފަ އެވެ. ނަމަވެސް ޖީ.އެޗް.އިން ދެވަނަ ހާފުގައި އިތުރު ދެ ލަނޑު ޖަހައި ވަނީ ލީޑް ދަމަހަށްޓަފައެވެ.
މުޅި މުބާރާތުގެ އެންމެ މޮޅު ކުޅުންތެރިޔަކަށް ހޮވިފައިވަނީ މިބުރާތުގައި ތަފާތު ކުޅުމެއް ދައްކާފައިވާ ޖީ.އާރް.އެޗްގެ ޖާޒީ ނަމްބަރ 04 އައިމިނަތު އައިނާޝް ވަނީ ޖީ.އާރ.އެޗް އަށް ޗެމްޕިއަންކަން ހޯދައިދިނުމުގައި އިސްރޯލެއް އަދާކޮށްފައެވެ.
ފައިނަލް މެޗުގެ މޮޅު ކުޅުންތެރިޔަކަށް ހޮވުނީ ޖީއާރުއެޗުގެ ޖާޒީ ނަމްބަރ 05 މަރިޔަމް ޝިފްނާއެވެ. މުބާރާތުގެ އެންމެ މޮޅު 7 ކުޅުންތެރިންގެ ތެރޭގައި ހިމެނެނީ ޝިފްނާގެ އިތުރުން، މި ޓީމުގެ އައިނާޝް، ޖާޒީ ނަމްބަރ 10 ސަނާ އިބްރާހިމް، ޖާޒީ ނަމްބަރ 23 މަރިޔަމް ޝިޒާނާ އާއި އައުޓްރީފް ސްޕޯޓްސް ކުލަބުގެ ޖާޒީ ނަމްބަރ 17 ތޫބާ ބިންތު އަހުމަދު، ޖާޒީ ނަމްބަރ 88 އައިމިނަތު ސާއީ އަލީ ޝަމީމް، ޖާޒީ ނަމްބަރ 19 އާމިނަތު ޖެނިފާއެވެ. އެންމެ މޮޅު ކޯޗަކަށް ޖީ.އާރު.އެޗުގެ މުހައްމަދު މުއީނު ހޮވިފައިވާއިރު، މުބާރާތުގެ އެންމެ އުއްމީދީ ކުޅުންތެރިޔަކީ ގަމު ޑަބްލިއު.ޑީ.ސީގެ ޖާޒީ ނަމްބަރ 13 މަރިޔަމް މިޝްގާ މޫސާއެވެ.
ޗެމްޕިއަން ޓީމަށް ޝީލްޑް، މެޑަލް ގެ އިތުރުން 20،000.00ރ ގެ ފައިސާގެ އިނާމެއްވަނީ ދީފައެވެ. ރަނަރޕް ޓީމް އައުޓްރީފް ސްޕޯޓްސް ކުލަބަށް ވަނީ މެޑަލް އަދި 7،000.00ރ ގެ ފައިސާގެ އިނާމެއް ދީފައެވެ. މފަހަރުގެ މުބާރާތުގެ ފެއާ ޕްލޭ ޓީމަކީ ގަމު ޑަބްލިޔުޑީސީ އެވެ.
އެމް.އެން.ޔޫ.އެސް.ޔޫ އަހުރަ ހޭންޑްބޯޅަ 4 އަހަރުގެ މެދުކެނޑުމަކަށްފަހު ބޭއްވިގެން ދިޔައިރު، ކާމިޔާބުކަމާއެކު މުބާރާތް ނިންމާލުމުގައި ސްޕޮންސަރުންނާއި، އެކި އެކި ފަރާތްތަކުން ލިބުނު އެއްބާރުލުމާއި އެހީތެރިކަން ޔޫނިއަނުން ވަނީ ފާހަގަކޮށް އެފަރާތްތަކަށް އަގުވަޒަންކުރުމުގރ ފިލާ އާއި ސެޓްފިކެޓް ހަވާލުކޮށްފައެވެ. ޔޫނިއަންގެ އަމާޒަކީ އަންނަ އަހަރުވެސް މި މުބާރާތް މިއަށްވުރެ ފުރިހަމަކަމާއެކު ކުރިއަށްގެންދިޔުމެވެ.
