2025 ވަނަ އަހަރު ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ) އިން ބާއްވާ ފުރަތަމަ އޮރިއެންޓޭޝަން ބާއްވައިފިއެވެ.
02 ފެބްރުވަރީ 2025 ވަނަ ދުވަހު ހެދުނު މި އޮރިއެންޓޭޝަން ކުރިއަށް ގެންގޮސްފައިވަނީ އެމް.އެން.ޔޫ ސެންޓްރަލް އެޑްމިނިސްޓްރޭޝަން އޮޑިޓޯރިއަމް އަދި ފެކަލްޓީ އޮފް އެޑިއުކޭޝަންގެ އޮޑިޓޯރިއަމްގައެވެ.
ގިނަ އަދަދެއްގެ ދަރިވަރުން ބައިވެރިވި މި އޮރިއެންޓޭޝަންގައި ޔުނިވަރސިޓީގެ އެކި ހިދުމަތްތަކާއި، ދަރިވަރުންގެ އިދާރީ ކަންތައްތަކާ ގުޅޭ މައުލޫމާތުގެ އިތުރުން ރަޖިސްޓްރޭޝަން އަދި މިނޫންވެސް ދަރިވަރުންނާ ގުޅޭ މުހިންމު މައުލޫމާތުތައްވަނީ ހިއްސާކުރެވިފައެވެ. އަދި ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އާއި ގުޅޭ މައުލޫމާތުތައް ވެސް ވަނީ ދަރިވަރުންނަށް ދީފައެވެ.
މީގެއިތުރުން މި ސެމިސްޓަރގައި އަލަށް އެމް.އެން.ޔޫ އަށް ގުޅުނު ދަރިވަރުންގެ ތެރެއިން ޔޫނިއަންގެ ލީޑަރސް ގުރޫޕަށް ވަންނަން ޝައުޤުވެރިވާ ކުދިންނަށް އެ ފުރުސަތު ވެސް ވަނީ ހުޅުވާލެވިފައެވެ.
އެމް.އެން.ޔޫ އަށް ކޮންމެ ސެމިސްޓަރއެއްގައި އަލަށް ގުޅޭ ދަރިވަރުންނަށް ހާއްސަކޮށްގެން ސިލްސިލާކޮށް ބާއްވަމުން އަންނަ އޮރިއެންޓޭޝަންގައި ދަރިވަރުންގެ ޔޫނިއަންގެ ފަރާތުން އަބަދުވެސް އަންނަނީ ބައިވެރިވަމުންނެވެ.
މިއީ އެމް.އެން.ޔޫގެ ކޯސްތަކަށް އަލަށް ގުޅޭ ދަރިވަރުންނަށް ބޭނުންވާނެ މުހިންމު މައުލޫމާތުތައް ފޯރުކޮށްދިނުމުގެ މަޤުސަދުގައި ބާއްވާ ޖެނެރަލް އޮރިއެންޓޭޝަނަވެ. މީގެ އިތުރުން ވަކި ވަކި ފެކަލްޓީތަކުން ބާއްވާ އޮރިއެންޓޭޝަންތައް ވެސް މިހަފްތާގެ ތެރޭގައި ކުރިއަށްދާނެއެވެ.
