ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ) އިން އިންތިޒާމު ކޮށްގެން އަލަށް އެމްއެންޔޫ ބިޒްނަސް ސުކޫލަށް ގުޅުނު ދަރިވަރުންނަށް ހާއްސަ ކޮށްގެން ނިއު ލީޑާސް ޖޭމްސްގެ ނަމުގައި ކުރިއަށް ގެންދާ ހަރަކާތް އަންނަ ހުކުރުދުވަހު ބާއްވަން ނިންމައިފިއެވެ.
ނިއު ލީޑަރސް ޖޭމްސްގެ ނަމުގައި ކުރިއަށް ގެންދާ މި ހަރަކާތަކީ ފާއިތުވެދިޔަ އަހަރުތަކުގައި ބީ.އެސް ގާލާ ނައިޓުގެ ނަމުގައި ކުރިއަށް ގެންދާ ހަރަކާތް ރީބްރޭންޑްކުރުމަށްފަހު މިދިޔަ އަހަރު ތައާރަފު ކުރެވުނު ހަރަކާތެކެވެ.
މި ހަރަކާތުގައި މައިގަނޑުގޮތެއްގައި ކުރިއަށް ގެންދަނީ ތަފާތު ކުޅިވަރުތަކެކެވެ. މި ކުޅިވަރު ތަކުގެ މައިގަނޑު މަގްސަދަކީ އަލަށް ގުޅުނު ދަރިވަރުންގެ މެދުގައި އެކުވެރިކަން އާލާކޮށް، އެކަކު އަނެކަކަށް ތައާރަފުވެ، ދަރިވަރުންގެ ހުނަރުތައް ދެނެގަތުމެވެ.
މިހަރަކާތުގައި ކުޅިވަރުގެ އިތުރުން ބީއެސްއެސްއޭގެ ކުރީގެ ބައެއް އިސްވާރުންގެ ތަޖުރިބާ ތަކުގެ ވާހަކަވެސް ހިއްސާކުރާނެއެވެ.
ކޮންމެ އަހަރަކުވެސް އަލަށް ގުޅޭ ދަރިވަރުންގެ ފަރާތުން މި ހަރަކާތަށް ވަރަށް ބޮޑު ތަރުހީބެއް ލިބެއެވެ. ހަމިއާއިއެކު ބީ.އެސް.އެސް.އޭ ގެ ކުރީގެ އިސްވާރުންގެ ފަރާތުންވެސް ވަރަށް ބޮޑު އެއްބާރުލުމެއް ލިބެއެވެ.
