ކޮންމެ އަހަރެއްގެވެސް ރޯދަމަހަށް އަމާޒުކޮށްގެން ބީ.އެސް.އެސް.އޭއިން ބާއްވަމުން އަންނަ ބީ.އެސް.އެސް.އޭ މަދަހަ ޗެލެންޖް، މިއަހަރުވެސް ބާއްވައިފިއެވެ.
މިފަހަރުގެ މުބާރާތުގައި، އެހެން އަހަރުތަކެކޭ އެއްގޮތަށް، އެންމެ ފަހު ހަފްތާ ގެންގޮސްފައިވަނީ ގޯލްޑެން ވީކްގެ ގޮތުގައެވެ.
ގޯލްޑެން ވީކްގައި، އެބައިވެރިޔަކު ކިޔަން ބޭނުންވާ މަދަހައެއް، ބީ.އެސް.އެސް.އޭގެ ޓެލެގުރާމް ޒަރިއްޔާއިން ފޮނުވާނީއެވެ. އެއަށްފަހު، ފޮނުވާފައިވާ މަދަހަތައް ބީ.އެސް.އެސް.އޭއިން، ބީ.އެސް.އެސް.އޭގެ ފޭސްބުކް ޕޭޖްއަށް ލާނީއެވެ. މި މަދަހަ ތަކުގެ ތެރެއިން އެއްވަނަ ލިބޭނީ އެންމެ ގިނަ ލައިކްސް އަދި ރިއެކްޓް ލިބޭ މަދަހައަށެވެ.
އެގޮތުން، މިއަހަރުގެ މަދަހަ މުބާރާތުގެ ގޯލްޑެން ޗެލެންޖް ހުޅުވާލައިފައިވަނީ 6 މެއި ގައެވެ. އަދި މަދަހަ ކިޔުމަށްފަހު، މަދަހަ ފޮނުވުމުގެ އެންމެ ފަހު ސުންގަޑި އަކީ 10 މެއި ވާ ހޯމަ ދުވަހުގެ 14:00 އެވެ. މިއަހަރު ގޯލްޑަން ވީކްގެ އެއްވަނައަށް ދާ މަދަހަ ކިޔާފައިވާ ފަރާތަށް ގިފްޓް ހެމްޕަރއެއް ދޭން ވަނީ ނިންމާފައެވެ.
މިއަހަރު ޖުމްލަ 5 ބައިވެރިން ގޯލްޑަން ވީކްގައި ވަނީ ބައިވެރިވެފައެވެ. މި 5 ބައިވެރިންގެ ތެރެއިން، އެއްވަނައަށް ގޮސްފައިވަނީ އައިޝަތު އަޝްގާއެވެ.
ބީ.އެސް.އެސް.އޭ މަދަހަ ޗެލެންޖް އަކީ މަދަހަ ކިޔުމުގެ ޝައުޤުވެރިކަން ހުންނަ ކުދިންނަށް ޚާއްސަކޮށްގެން، ކޮންމެ ރޯދަ މަހަކު ބީ.އެސް.އެސް.އޭއިން ކުރިއަށް ގެންދާ މުބާރާތެކެވެ.
