ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީސް (އެފް.އެޗް.ޓީ.އެސް) އާއި ސްކޫލް އޮފް ނާސިން (އެސް.އެން)ގެ ވޮލީބޯޅަ ޓީމް ވަނީ ނިމިދިޔަ ހޮނިހިރު ދުވަހުގައި ވިލިމާލެއަށް ދަތުރުގޮސްފައެވެ.
މި ދަތުރަކީ އެމް.އެން.އެސް.ޔޫ އިން އިންތިޒާމް ކޮށްގެން ބޭއްވި އިންޓާރ ފެކަލްޓީ ވޮލީބޯޅަ މުބާރާތުގައި ދެ ފެކަލްޓީއިން ހޯދި ކާމިޔާބީ ފާހަގަކުރުމަށްޓަކައި ރޭވިގެން ކުރިޔަށް ގެންދެވުނު ދަތުރެކެވެ.
މި ދަތުރު ގޮސްފައި ވަނީ 2 އޮކްޓޯބަރ ވީ ހޮނިހިރު ދުވަހުގައި ދެ ޓީމްގެ ކުޅުންތެރިންނާއި ހިންގާ ކޮމެޓީގެ މެންބަރުންގެ އިރުތުން ސަޕޯޓަރުންނާއި އެކުއެވެ. މި ދަތުރުގައި ދެ ފެކަލްޓީގެ 30ށްވުރެ ގިނަ ދަރިވަރުންވަނީ ބައިވެރިވެ، މުނިފޫހިފިލުވުމުގެ ގޮތުން ތަފާތު އެކި ކުޅިވަރުތައްވަނީ ކުޅެފައެވެ. އެގޮތުން ވޮލީ، ފައިގަތަޅާ، ފުޓްބޯޅަ އަދި ބުޅާމަސްގަނޑު ފަދަ ފޯރިގަދަ އަދި މަޖާ ކުޅިވަރުތައް ހިމެނެއެވެ.
މި ދަތުރަކީ ދެ ފެކަލްޓީގެ މެދުގައި އެކުވެރިކަން އާލާކޮށް ގުޅުން ބަދަހިކުރުމުގެ މަޤްސަދުގައި ހިންގުނު ކާމިޔާބު ދަތުރެކެވެ. މީގެ އިތުރުން މި ދަތުރަކީ ވާދަވެރި މުބާރާތަކަށްް ފަހު ކުޅުންތެރިން ހިންހަމަ ޖައްސާލައި މަޖާކޮއްލުމަށް ލިބުނު ފުރުސަތެކެވެ. ޝެޓްސްގެ އަމާޒަކީ ކުރިއަށް އޮތް މުސްތަޤްބަލްގައި މިފަދަ ގިނަ ހަރަކާތްތަކެއް ހިންގުމެވެ.
ނިމިދިޔަ ވޮލީބޯޅަ މުބާރާތުން އެސް.އެން.އާއި އެފް.އެފް.އެޗް.ޓީ.އެސް ވަނީ މޮޅު ކުޅުުމެއް ދައްކާ ފައިނަލަށްް ދަތުރުކޮށްފައެވެ. އެގޮތުން އެފް.އެޗް.އެސް.ޓީގެ ފިރެހެން ޑިވިޝަންގެ ޓީމު މުބާރާތުން ދެވަނައަށް ގޮސްފައިވާއިރު، އެސްއެންގެ އަންހެން ޑިވިޝަންގެ ޓީމު ވަނީ މުބާރާތުގެ ދެވައަން ގޮސްފައެވެ. އަދި ބެސްޓް ސަޕޯޓާސްޓީމް ވަނީ ފިރިހެން ޑިވިޝަންއިން އެފް،އެޗް،ޓީ،އެސް، އަދި އަންހެންޑިވިޝަންއިން އެސް،އެން އަށްލިބިފައެވެ.
