ދިވެހިރާއްޖޭގެ ޤައުމީ ޔުނިވާރސިޓީ ދަރިވަރުންގެ ޔޫނިއަން އިން ސެންޓަރ ފޯ ފައުންޑޭޝަން ސްޓަޑީސް (ސީ.އެފް.އެސް) ގައި ޤާއިމުކޮށްފައިވާ ގޮފި ތަރަހަ އާއި ސެންޓަރ ފޯ ފައުންޑޭޝަން ސްޓަޑީޒް ގުޅިގެން ޤައުމީ ދުވަސް ކުލަގަދަކޮށް ފާހަގަ ކޮށްފިއެވެ.
މިގޮތުން ޤައުމީ ދުވަސް ފާހަގަ ކުރުމަށް ތަރަހައިން އިސްނަގައިގެން އޮކްޓޯބަރ 6 ވީ ބުދަ ދުވަހު ޤައުމީ ޔުނިވަރސިޓީގެ ސީ.އޭ އޮޑިޓޯރިއަމްގައި ސްޓޭޖް ހަރަކާތްތަކެއް ވަނީ ކުރިއަށް ގެންދެވިފައެވެ. މި ޙަރަކާތުގައި ޤައުމީ ދުވަހާއި ގުޅޭ ޑްރާމާ ތަކާއި ޚާއްސަ ނެށުންތައް ވަނީ ދަރިވަރުންގެ ފަރާތުން ހުށަހަޅާފައެވެ.
މި ހަރަކާތުގައި ސީ.އެފް.އެސްގެ ޑީން އަދި މެނޭޖްމެންޓުގެ ބޭފުޅުންނާއި ލެކްޗަރާއިންވެސް ވަނީ ބައިވެރިވެފައެވެ. މީގެ އިތުރުން ދަރިވަރުންގެ ޔޫނިއަންގެ ރައީސް އަދި ހިންގާ ކޮމެޓީގެ ބައެއް މެންބަރުންވެސް މި ހަރަކާތުގައި ބައިވެރިވެފައި ވެއެވެ.
މި ހަރަކާތުގައި ގިނަ ލެކްޗަރާސް ބައިވެރިވުމާއި ގުޅިގެން ދަރިވަރުން ވަނީ އެދުރުންގެ ދުވަހުގެ ތަހުނިޔާ ލެކްޗަރާސް އަށް އަރިސްކޮށްފައެވެ. އަދި ދަރިވަރުންގެ ފަރާތުން މުދައްރިސުންގެ ދުވަހާއި ގުޅޭ ޚާއްސަ ކޭކެއްވެސް ވަނީ ލެކްޗަރާސް އަށް ހަދިޔާ ކޮށްފައެވެ.
