ބީ.އެސް.އެސް.އޭއިން ބާއްވަމުން އަންނަ ބީ.އެސް.އެސް.އޭ ފުޓްސަލް ޓޯނަމެންޓް 2021ގެ، ފުރަތަމަ ދުވަހުގެ މެޗްތައް ކުޅެ ނިމިއްޖެއެވެ.
ފުރަތަމަ ދުވަހުގެ މެޗްތައް ކުޅެވިގެންދިޔައީ 12 ނޮވެމްބަރ ވީ ހުކުރު ދުވަހުގައެވެ. އަދި މެޗްތައް ކުޅެވިގެންދިޔައީ މާފަންނު ޓާފް ދަނޑުގައެވެ.
ބީ.އެސް.އެސް.އޭ ފުޓްސަލް ޓޯނަމެންޓްގައި މިފަހަރު މުޅިޔަކު 08 ޓީމް ބައިވެރިވެފައިވެއެވެ. އެއީ ފިރިހެން 06 ޓީމްއާއި އަންހެން 02 ޓީމްއެވެ. ފިރިހެން ޓީމްތަކަކީ، ބެޗްލާރސް ޔުނައިޓެޑް، މުންކިދް އެފް.ސީ، 5ޖީ ފުޓްސަލް ނޭޝަން، އެފް.ސީ ކަރާ ފެޅުން، އާޗާ އެފް.ސީ އަދި ޓީމް ސީލް އެވެ. އަންހެން ޓީމް ތަކަކީ އެފް.ސީ ކަބަލުން އަފި ކަމަނަ އެފް.ސީ އެވެ. 
ފުރަތަމަ ދުވަހުގެ މެޗްތައް ކުޅެ ނިންމީ ދެ ދަންފަޅިއަކަށް ބަހައިލައިގެންނެއެވެ. އެއީ ހެނދުނު ދަންފަޅި އަދި ހަވީރު ދަންފަޅީގައެވެ. ހެނދުނު ގަޑީގައި މުޅިޔަކު 10 މެޗްތައް ކުޅެވިގެން ދިޔައިރު، ހަވީރު ދަންފަޅީގައި މުޅިޔަކު 03 މެޗްއެއް ކުޅެވިގެން ދިޔައެވެ. ހެނދުނު ގަޑީގެ މެޗްތައް 07:00 ގައި ފެއްޓުނުއިރު، ހަވީރު ގަޑީގެ މެޗްތައް 16:00 ގައި ފެއްޓިގެން ދިޔައެވެ. ފުރަތަމަ ދުވަހުގައި ކުޅެވިގެން ދިޔައީ ހަމައެކަނި ފިރިހެން މެޗްތަކެވެ.
މި މުބާރަތަކީ ލީގް އުސޫލުން ކުޅެވިގެން ދިޔަ މުބާރާތެކެވެ. އަދި ލީގް އުސޫލުން ކުޅެ ނިމޭއިރު، އެންމެ ގިނަ ޕޮއިންޓްސް ލިބޭ 02 ޓީމް ފައިނަލްއަށް ދާގޮތަށެވެ.
ފުރަތަމަ ދުވަހުގެ މެޗްތައް ކުޅެ ނިމިގެން ދިޔައިރު 15 ޕޮއިންޓްއާއެކު އެއްވަނަ ލިބިފައިވަނީ ބެޗްލާރސް ޔުނައިޓެޑްއެވެ. 02 ވަނައަށް ދިޔަ 5ޖީ ފުޓްސަލް ނޭޝަންއަށް 09 ޕޮއިންޓް ލިބުނުއިރު، 03 ވަނައަށް ދިޔަ މުންކިދް އެފް.ސީއަށާއި އަދި 04 ވަނައަށް ދިޔަ އެފް.ސީ ކަރާ ފެޅުންއަށް ވެސް ލިބިފައިވަނީ 09 ޕޮއިންޓްއެވެ. 5ޖީ ފުޓްސަލް ނޭޝަންއަށް ކުރި ލިބުނީ ގޯލް އެޑްވާންޓޭޖްއިންނެވެ. 05 ވަނައަށް 03 ޕޮއިންޓްއާއެކު ގޮސްފައިވަނީ އާޗާ އެފް.ސީއެވެ. އަދި އެންމެ ޕޮއިންޓްއެއްވެސް ނުލިބި އެންމެ ފުލަށް ގޮސްފައިވަނީ ޓީމް ސީލްއެވެ.
ފައިނަލް މެޗްތައް (އަންހެން އަދި ފިރިހެން) ކުޅެވިގެންދާނީ 13 ނޮވެމްބަރ ވާ ހޮނިހިރު ދުވަހުގެ ރޭގަނޑުގައެވެ. މެޗްތައް ފައްޓަން ހަމަޖެހިފައިވަނީ 20:00 ގައެވެ.
