ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ މާލޭ ކެމްޕަހުގެ ގޮފިތަކުން ހުސްވެފައިވާ މަޤާމުތަކުގެ ބައި އިލެކްޝަން ސެޕްޓެންބަރު 18ވާ އާދީއްތަ ދުވަހަށް ތާވަލުކޮށްފިއެވެ.
ހުސްވެފައިވާ މަޤާމުތަކަށް ކުރިމަތިލުމަށް ހުޅުވާލި ފުރުޞަތުގައި އެއް ކެންޑިޑޭޓަކަށްވުރެ ގިނަ ކެންޑިޑޭޓުން އެއް މަޤާމަކަށް ކުރިމަތިލައިގެން އިންތިޚާބަކަށް ގޮސްފައިވަނީ ޖުމްލަ 3 މަޤާމެވެ. އެއީ ތަރަހައިގެ ނައިބު ރައީސް (އިތުރު ހަރަކާތް) އަދި މީޑިއާ ކޯޑިނޭޓަރުކަމުގެ އިތުރުން އިންޖިނިއަރިންގ، ސައިންސް އެންޑް ޓެކްނޮލޮޖީ (އެސްޓާ)ގެ ނައިބު ރައީސް (އިތުރު ހަރަކާތް)ގެ މަޤާމެވެ. މި މަޤާމުތަކަށް ކުރިމަތިލާފައިވާ ކެންޑިޑޭޓުންގެ ކެންޑިޑޭޓު ނަންބަރު ތަރުތީބު ކުރެވިފައިވާ ގޮތް ތިރީގައި އެވަނީ އެވެ.
އެސްޓާގެ ނައިބު ރައީސް (އިތުރު ހަރަކާތް):
ކެންޑިޑޭޓް ނަންބަރ 1: އަޙްމަދު މުއްޠަލިބު، މއ. ނައިޓްވިލާ / ކ. މާލެ
ކެންޑިޑޭޓް ނަންބަރ 2: އަޙްމަދު ޖޫދު މުޙައްމަދު ކާރިމް – އާވެހި / ޅ. ނައިފަރު
ތަރަހައިގެ ނައިބު ރައީސް (އިތުރު ހަރަކާތް):
ކެންޑިޑޭޓް ނަންބަރ 1: މީފާއު މުޙައްމަދު ފާއިޒު، ފަޒާ / ބ. ތުޅާދޫ
ކެންޑިޑޭޓް ނަންބަރ 2: ޙައްވާ ޢާއިޝާ ޝަރީފު، މއ. ތަކަތުވާގެ / ކ. މާލެ
ތަރަހައިގެ މީޑިއާ ކޯޑިނޭޓަރ:
ކެންޑިޑޭޓް ނަންބަރ 1: ފާތިމަތު ޝައްފަ ވިސާލް، އަންނާރުގަސްދޮށުގެ / ކ. ކާށިދޫ
ކެންޑިޑޭޓް ނަންބަރ 2: އާމިނަތު މަލަކް ހަމްދޫން، ގ. ގާތުފަޅު / ކ. މާލެ
ކެންޑިޑޭޓް ނަންބަރ 3: ރައްޔާން ޢަބްދުލް ރައޫފު، މާތިލަ / ބ. ދަރަވަންދޫ
މި ކެންޑިޑޭޓުންގެ އިތުރުން ދެން ހުޅުވާލެވުނު މަޤާމުތަކަށް ކުރިމަތިލާފައިވަނީ ކޮންމެ މަޤާމަކަށްވެސް އެއް ކެންޑިޑޭޓު ކަމަށްވާތީ، އެ ކެންޑިޑޭޓުންވަނީ އިންތިޚާބަކާ ނުލައި މަޤާމުތަކަށް ހޮވިފައެވެ.
އެމް.އެން.ޔޫ.އެސް.ޔޫގެ ޖުމްލަ 14 ގޮތްޕެއް ޤާއިމުކުރެވިފައިވާއިރު، މީގެ ތެރެއިން 10 ގޮތްޕެއް ހިމެނެނީ މާލޭ ކެމްޕަހުގައެވެ. ބާކީ 4 ގޮފިތަކަކީ އަތޮޅުތެރޭ 4 ކެމްޕަހުގައި ޤާއިމު ކުރެވިފައިވާ ގޮފިތަކެވެ.
