ޝެޓްސް އަދި ސިއާ އިން އިސްނަގައިގެން އެފް.އެޗް.ޓީ.އެސް އަދި އެފް.އޭ އަށް އަލަށް ގުޅުނު ދަރިވަރުންނަށް ހާއްސަކޮށް ބާއްވާ ވެލްކަމްނައިޓް މި މަހުގެ 25 ވާ ހުކުރު ދުވަހުގެރޭ އެމް.އެން.ޔޫގެ އެފް.އީ ޕީއީ ހޯލްގައި ބޭއްވުމަށް ތައްޔާރު ވެއްޖެއެވެ.
މި ޓާރމުގައި އެފް.އެޗް.ޓީ.އެސް ގެ ކޯސްތަކަށް 120 އަށް ވުރެ ގިނަ ދަރިވަރުން އަލަށް ގުޅިފައިވާއިރު، އެފް.އޭ ކޯސްތަކަށް ވަނީ 60 އަށް ވުރެ ގިނަދަރިވަރުން ގުޅިފައެވެ. ވެލްކަމްނައިޓަކީ ކޮންމެ ޓާރމެއްގައިވެސް އަލަށް ކޯސްތަކާ ގުޅުނު ދަރިވަރުންނަށް މަރުހަބާ ކިޔުމަށް ކުރިޔަށް ގެންދާ ހަރަކާތެކެވެ. އަދި މީގެ އިތުރުންވެސް ޝެޓްސް އަދި ސިއާގެ ގެ އިސްވާރުން ގޮތުގައި އަލަށް ހަރަކާތްތެރިވާން ބޭނުންވާ ދަރިވަރުންނަށް އެ ފުރުސަތު ވެލްކަމް ނައިޓުގައި ލިބިގެން ދާނެއެވެ.
ވެލްކަމްނައިޓާއެކު ޝެޓްސްގެ އަދި ސިއާގެ މި ޓަރމުގެ ހަރަކާތްތައް ފެށިގެންދާއިރު ޝެޓްސް އަދި ސިއާ އިންވެސް ވަނީ މި ޓަރމުގައިވެސް ގިނަ ހަރަކާތްތަކެއް ކުރިޔަށް ގެންދިޔުމަށް ނިންމާފައެވެ. އެގޮތުން ޝެޓްސް އަދި ސިއާ ގުޅިގެން، މި ޓަރމުގެ ނިއު ލީޑާސް ޓްރިޕް ދެ ގޮފި ގުޅިގެން ދިޔުމަށް ނިންމާފައިވާއިރު ޝެޓްސް އަދި ސިއާ ގުޅިގެން މި އަހަރުގައި އިތުރު ހަރަކާތްތައް ކުރިޔަށް ގެންދިއުމަށް ދަނީ މަޝްވަރާކުރެވެމުންނެވެ.
