އަހުރަ އާއި ކެމްޕަސްގެ މުވައްޒަފުން ގުޅިގެން ކެމްޕަސް ޒީނަތްތެރިކުރުމުގެ ޕުރޮގުރާމެއް ކުރިޔަށް ގެންގޮސްފިއެވެ. އޭޕްރިލް 1 އަދި 2 ވަނަދުވަހު ކުރިޔަށްގެންދިޔަ މިހަރަކާތުގައި ނާރސިން ސުކޫލްގެ ބައެއް ދަރިވަރުންވެސްވަނީ ބައިވެރިވެފައެވެ.
ކެމްޕަސް ޒީނަތްތެރިކުރުމުގެ ގޮތުން ތަފާތު ވައްތަރުގެ މާގަސް ވަނީ ކެމްޕަސްތެރޭގައި އިންދާފައެވެ. އަދި ކެމްޕަސްގެ ބޮޑެތި ގަސްތައް ކޮށައި ވަނީ ސާފުކޮށްފައެވެ. މީގެ އިތުރުން ކެމްޕަސްގެ ބައެއްފާރުތަކުގައިވަނީ އަލުން ކުލަލައި ޒީނަތްތެރިކުރެވިފައެވެ. ހަމައެއާއިއެކު ކެމްޕަސްގެ ގޯތިތެރޭގައި ވިނަ ހެދިފައިވާ ބޮޑުބައެއްވަނީ ވިނަނޮޅާ ސާފުކޮށްފައެވެ. މިކަންކުރުމުގައި ކެމްޕަސްގެ ލެކްޗަރާއިންގެ ފަރާތުން ލިބުނު އެއްބާރުލުން ވަރަށް ބޮޑަށް ފާހަގަ ކޮށްލެވެއެވެ.
ދެދުވަހުގެ މުއްދަތަށް ބަހާލައިގެން ކުރިއަށް ގެންދިޔަ މި ހަރަކާތް ކާމިޔާބުކަމާއިއެކު ނިންމާލެވިފައިވާއިރު ކެމްޕަސްގެ މެނޭޖަރ ވެސް ވަނީ ބައިވެރިވެ ވަޑައިގެންފައެވެ.
