ބިޒްނަސް ސްކޫލް ސްޓޫޑެންޓް އެސޯސިއޭޝަނާއި ތަރަހަ ގުޅިގެން ބޭއްވި ފުޓްސަލް މުބާރާތް ކާމިޔާބުކަމާއެކީ ނިންމާލައިފި އެވެ.
އޮކްޓޯބަރުމަހުގެ 27 ވަނަ ދުވަހު ފެށި މި މުބާރާތް ނިންމާލާފައިވަނީ 28 އޮކްޓޯބަރުގައެވެ.
ދަރިވަރުންގެ މެދުގައި ކުޅިވަރުގެ ރޫހު އާލާކުރުމުގެ ގޮތުން ބޭއްވި މި މުބާރާތުގެ ފަހު ދުވަހު ސެމީ ފައިނަލް އާއި ފައިނަލްގެ މެޗުތައް ވަނީ ކުޅެފައެވެ.
ފިރިހެން ޑިވިޜަންގެ ސެމީ ފައިނަލްގައި އެރީ ކެޓީ ބޯއިސް އާއި މަޑުފެހި ބައްދަލުކުރި މެޗު މަޑުފެހިން ކާމިޔާބުކޮށްފައިވަނީ 1-4ގެ ނަތީޖާއަކުންނެވެ. އަދި އެސްޕަޑަ އެސް.ސީ އާއި އެފްސީ24 ކުޅުނު މެޗު 7-1 ގެ ނަތީޖާއަކުން ކާމިޔާބުކޮށްފައިވަނީ އެސްޕަޑަ އެސް.ސީންނެވެ.
މި މުބާރާތުގެ އަންހެން ޑިވިޜަނުގެ ފައިނަލްގައި އެރީ ކެޓީ ގާލްސް އާއި ޓީމް ވީ ބައްދަލުކޮށްފައިވާއިރު، 4-0 ގެ ނަތީޖާއަކުން ޗެމްޕިއަންކަން ހޯދާފައިވަނީ އެރީ ކެޓީ ގާލްސް އިންނެވެ.
ފިރިހެން ޑިވިޜަނުގެ ފައިނަލްގައި އެސްޕަޑަ އެސް.ސީ އާއި މަޑުފެހި ބައްދަލުކޮށްފައިވާއިރު، މެޗު 4-0ގެ ނަތީޖާއަކުން ކާމިޔާބުކުރީ މަޑުފެހިންނެވެ.
އަންހެން ފައިނަލް މެޗުގެ ކުއީން އޮފް ދަ މެޗުކަން އެރީ ކެޓީގެ ފިރުޝާނާ ނަސީރު ހޯދާފައިވާއިރު، ފިރިހެން ފައިނަލްގެ މޭން އޮފް ދަ މެޗުކަން ހޯދާފައިވަނީ މަޑުފެހީގެ އަހްމަދު ރިޔުޝާނެވެ.
މި މުބާރާތުގެ އެންމެ މޮޅު ފިރިހެން 5 ކުޅުންތެރިންގެ ތެރޭގައި އެސްޕަޑައިގެ އިސްމާއިލް މާއިން މުޖުތަބާ އާއި މުހައްމަދު އަނާން އަދި އަނޫފް އަހްމަދު ހިމެނިފައިވާއިރު، މަޑުފެހީގެ މުހައްމަދު ސައްހާފާއި މުހައްމަދު ނާބިތުވެސް ވަނީ ހިމެނިފައެވެ.
އެންމެ މޮޅު 5 އަންހެން ކުޅުންތެރިންގެ ތެރޭގައި ޓީމް ވީގެ އފާތިމަތު މުނީފާއާއި، ފާތިމަތު ނިހާމާ އަދި އާއިޝަތު ރަނާ ހިމެނިފައިވާއިރު، އެރީ ކެޓީ ގާލސްގެ އައިޝަތު ރިޝްމާއާއި ނައުރާ ހަސަންވެސް ވަނީ ހިމެނިފައެވެ.
މި މުބާރާތުގެ ދެ ޑިވިޜަނުގެ އެންމެ މޮޅު ކުޅުންތެރިންގެ މަގާމު ރިޔުޝާން އާއި ފިރުޝާނާ ހޯދާފައިވާއިރު، ފެއާ ޕްލޭ އަންހެން ޓީމަކަށް ހޮޓް ޝޮޓްސް އަދި ފިރިހެން ޓީމަކަށް ވުލްވްސް ވަނީ ހޮވިފައެވެ.
މުބާރާތުގެ ކާމިޔާބީއާބެހޭ ގޮތުން ވާހަކަދައްކަމުން މުބާރާތުގެ ޗެއަރ އަހްމަދު ސަމީހު ވިދާޅުވީ، މި މުބާރާތް ކާމިޔާބުކަމާއެކީ ނިމިގެން ދިޔައީތީ އުފާކުރާކަމަށެވެ. އަދި ދަރިވަރުންނަށް އެ ދަރިވަރުންގެ ކުޅިވަރުގެ ހުނަރު ދައްކާލުމަށް ފަހި ފުރުސަތެއް ދެވިގެންދިޔަކަމަށް ގަބޫލުކުރައްވާކަމަށް ސަމީހު ވިދާޅުވި އެވެ.
ބީއެސްއެސްއޭ އަކީ އެމްއެންޔޫ ބިޒްނަސް ސްކޫލުގައި ގާއިމުކުރެވިފައިވާ ގޮތްޕެވެ. ތަރަހަ އަކީ ސެންޓަރ ފޮރ ފައުންޑޭޝަން ސްޓަޑީޒްގައި ގާއިމުކުރެވިފައިވާ ގޮތްޕެވެ.
