ދިވެހި ރާއްޖޭގެ ޤައުމީ ޔުނިވާރސިޓީގެ ބިޒްނަސް ސްކޫލަށް އަލަށް ގުޅުނު ދަރިވަރުންނަށް އަމާޒުކޮށްގެން ބޭއްވި ގާލާ ނައިޓަށް ބޮޑު ތަރުހީބެއް ލިބިއްޖެއެވެ.
ބިޒްނަސް ސްކޫލް ދަރިވަރުންގެ އެސޯސިއޭޝަން (ބީ.އެސް.އެސް.އޭ) އިން އިންތިޒާމުކުރި މި ހަރަކާތް ކުރިއަށް ގެންގޮސްފައިވަނީ މިދިޔަ ހުކުރު ދުވަހުގެ ރޭ ބީ.އެސްގެ އޮޑިޓޯރިއަމްގަ އެވެ.
މިއަހަރުގެ ފުރަތަމަ ސެމިސްޓަާރ އަށް އަލަށް ގުޅުނު ދަރިވަރުންނަށް ދައުވަތު ދީގެން ކުރިއަށް ގެންދިޔަ މިހަރަކާތުގައި 50 އަށް ވުރެ ގިނަ ދަރިވަރުން ބައިވެރިވެފައިވެއެވެ.
ބީ.އެސް ގާލާ ނައިޓަކީ ބީ.އެސް.އެސް.އޭ އިން ކޮންމެ ސެމިސްޓަރއެއް ވެސް ފެށުމުގެ ކުރިން ހިންގާ މަރުހަބާ ކިޔުމުގެ އިވެންޓެކެވެ.
މީގެ އިތުރުން، ފެކަލްޓީއާ އަލަށް ގުޅުނު ދަރިވަރުންގެ މެދުގައި އެކުވެރިކަން އާލާކޮށް، އެކަކު އަނެކަކަށް ތައާރަފުވެ، ދަރިވަރުންގެ ހުނަރުތައް ދެނެގަތުމުގެ ހަރަކާތްތައް މި އިވެންޓުގެ ތެރެއިން ކުރިއަށް ގެންދިޔައެވެ.
މިއަހަރުގެ ފުރަތަމަ ގާލާ ނައިޓުގައި ތަފާތު ގިނަ ކުޅިވަރުތައް ކުރިއަށް ގެންގޮސްފައިވެ އެވެ.
