ފާްިތުވެދިޔަ 3 އަހަރެކޭ އެއްފަދައިން މިއަހަރުވެސް ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ) އިން ފެކަލްޓީ އޮފް އެޑިއުކޭޝަންގެ ހުރިހާ އަންހެން މުއައްޒަފުންނަށް ހާއްސަ ކޮށްގެން ބައިނަލްއަޤުވާމީ އަންހެނުންގެ ދުވަސް ފާހަގަކޮށްފިއެވެ.
މި ހަރަކާތް ކުރިޔަށް ގެންގޮސްފައިވަނީ އެފް.އީ ޕީ.އީ ހޯލުގައެވެ. އަންހެނުންގެ ދުވަހުގެ މުނާސަބަތުގައި ފެސާގެ ހިންގާ ކޮމިޓީ އަދި އިސްވާރުންގެ ފަރާތުން ފެކަލްޓީ އޮފް އެޑިއުކޭޝަންގެ ހުރިހާ އަންހެން މުވައްޒަފުންނަށްވަނީ ކުޑަ ހަދިޔާއެއް އަރުވާފައެވެ.
މި ހަރަކާތުގައި ފެސާގެ ރައީސް އަހްމަދު އީމާން ވަނީ އެންމެހާ މުއައްޒަފުންނާ މުޚާތަބުކޮށް ދުވަހުގެ ތަހުނިޔާ އަރިސްކޮށްފައެވެ. އަދި ހަމައެހެންމެ ދަރިވަރުންނަށްޓަކައި ފެސާގެ ދާރިސުންނާއި މުއައްޒަފުން ކޮށްދެއްވަވާ ބުރަ މަސައްކަތް ފާހަގަކޮށް، ފެސާގެ ހަރަކާތްތަކުގައި ލިބިގެންދާ ފުރިހަމަ އެއްބާރުލުމަށް ރައީސް ވަނީ ޝުކުރު ދަންނަވާފައެވެ.
އަންހެނުންގެ ދުވަހުގެ މުނާޞަބަތުގައި މިފަދަ ހަރަކާތެއް އިންތިޒާމު ކުރިިކަމަށްޓަކައި ފެކަލްޓީ އޮފް އެޑިޔުކޭޝަން (އެފް.އީ) ގެ ޑީން ނާދިޔާ މިސްވަނީ ހުރިހާ މުވައްޒަފުންގެ ނަމުގައި ފެސާގެ އިސްވާރުންނަށް ޝުކުރުއަދާކޮށްފައެވެ. ފެސާއިން އުންމީދު ކުރަނީ އަންހެނުންގެ ދުވަހުގެ މުނާޞަބަތުގައި ކުރިއަށް މިގެންދެވުނު ހަރަކާތުން، އެފް.އީގެ ލޮބުވެތި އެންމެހާ އަންހެން ދާރިސުންނާއި މުއައްޒަފުންނަށް އުފާވެރި ކަމާއި ހިނިތުންވުން ގެނެސްދެވުނު ކަމަށެވެ.
