އެމް.އެން.ޔޫ ބިޒްނަސް ސްކޫލުގައި ގާއިމު ކުރެވިފައިވާ ގޮފި ބިޒްނަސް ސްކޫލް ސްޓޫޑެންޓްސް އެސޯސިއޭޝަން (ބީ.އެސް.އެސް.އޭ) އިން ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އަދި މޯލްޑިވްސް ޕޮލިސް ސާވިސް ގުޅިގެން ޓީމް ބިލްޑިން ހަރަކާތެއް ކުރިއަށް ގެންގޮސްފިއެވެ.
24 އޮގަސްޓު ވީ ހޮނިހިރު ދުވަހު ވިލިމާލޭގެ ޕޮލިސް އޭރިއާ ބީޗުގައި ކުރިއަށް ގެންދެވުނު މިހަރަކާތައް ވަނީ ދަރިވަރުންގެ ފަރާތުން ވަނީ ބޮޑު ތަރުހީބެއް ލިބިގެންގޮސްފައެވެ. 6 ގަޑިއިރަށް ދެމިގެންދިޔަ މި ހަރަކާތުގައި 35 ދަރިވަރުން ވަނީ ބައިވެރިވެފައެވެ.
މި ހަރަކާތުގައި ފުލުހުންގެ މަސައްކަތްތަކާއި ބެހޭ މައުލޫމާތު ދިނުމާއިއެކު، އެ މައުލޫމާތު އަމަލީ ގޮތުން ބޭނުންކުރާނެ ގޮތްވެސް ދަސްކޮށްދެވުނެވެ. އަދި ކޮންމެ ހަރަކާތަކަށްފަހު ފުލުހުން ކޮންމެވެސް ފިލާވަޅެއް ކުދިންނަށް ވަނީ ކިޔަދީފައެވެ.
ދަރިވަރުން އުފާވެރިކަމާއިއެކު ބައިވެރިވެ ކާމިޔާބުކަމާއިއެކު ނިމިގެން މިދިޔަ ހަރަކާތަކީ ދަރިވަރުންނަށް ފުލުހުންގެ މަސައްކަތާއި ބެހޭ މައުލޫމާތު ދިނުމާއި، ފުލުހުންނާއި އާންމު ރައްޔިތުންނާއި ދެމެދު އޮންނަ ގުޅުން ބަދަހިކުރުމަށް ބޭއްވުނު ހަރަކާތެކެވެ. މިފަދަ އިތުރު ހަރަކާތްތައް އެމް.އެން.ޔޫ.އެސް.ޔޫ އާއި ގުޅިގެން ބީ.އެސް.އެސް.އިން މުސްތަގުބަލުގައި މިއަށްވުރެ ފުރިހަމަކޮށް ބޭއްވުމަކީ ބީ.އެސް.އެސް.އޭގެ އަމާޒެވެ.
