ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ގޮފި ސޮސައިޓީ އޮފް ޝަރީޢާ އެންޑް ލޯއިން ބާއްވަމުން އަންނަ ސިލްސިލާ ފުޓްސަލް މުބާރާތް އިޒްހާމް މެމޯރިއަލް ކަޕް 2024 4 އޮކްޓޫބަރުގައި ބޭއްވުމަށް ވަނީ ނިންމާފައެވެ.
2017 ވަނަ އަހަރުން ފެށިގެން ސިލްސިލާކޮށް ކުރިއަށް ދާ، މި އަހަރުގެ މި މުބާރާތުގައި ބައިވެރިވުމުގެ ފުރުސަތު ވަނީ 20 ސެޕްޓެންބަރުގައި ހުޅުވާލާފައެވެ. އަދި ބައިވެރިވުމުގެ ފުރުސަތު ހަމަވާނީ 27 ސެޕްޓެންބަރުގެ 23:59 އަށެވެ.
4 އޮކްޓޫބަރުގައި ހުޅުމާލެ ރެޑްބުލް ފުޓްސަލް ދަނޑުގައި ކުރިއަށް ގެންދާ މި 1 ޑޭ ފުޓްސަލް މުބާރާތުގައި ފެކަލްޓީ އޮފް ޝަރީޢާ އެންޑް ލޯގައި ކިޔަވަމުންދާ އަންހެން އަދި ފިރިހެން ދަރިވަރުންގެ ޓީމުތަކަށް ބައިވެރިވެވޭނެއެވެ. ޓީމެއްގައި މަދުވެގެން 5 އަދި ގިނަވެގެން 7 ކުޅުންތެރިން ހިމެނޭއިރު ޓީމުގައި ފެކަލްޓީގެ ބޭރު 2 ކުޅުންތެރިން ހިމެނުމުގެ ފުރުސަތު ޓީމުތަކަށް ވަނީ ދެވިފައެވެ.
މި މުބާރާތަކީ ފެކަލްޓީ ދަރިވަރުންގެ މެދުގައި އެކުވެރިކަމާއި ކުޅިވަރުގެ ރޫޙު އާލާކުރުމުގެ މަޤްސަދުގައި ކުރިއަށް ގެންދާ މުބާރާތެކެވެ.
މި މުބާރާތުގައި ބައިވެރިވުމަށް ބޭނުންވާ ގޫގްލް ފޯމް އަދި ޤަވާއިދު އެސް.އެސް.އެލްގެ ފޭސްބުކް ޕޭޖުގައި ޙިއްސާކޮށްފައިވާނެއެވެ.
އެސް.އެސް.އެލްގެ އުންމީދަކީ ގިނަ ޓީމުތަކާއެކު، މިއަހަރުގެ މުބާރާތަކީ ވެސް ކާމިޔާބު މުބާރާތަކަށް ވެގެންދިޔުމެވެ.
