ވޭތުވެދިޔަ ދެ އަހަރެކޭ އެއްފަދައިން މި އަހަރުވެސް ރަމަޟާން މަހާ ދިމާކޮށް ފެސާއިން ”މީ ކާކު؟“ މުބާރާތް ބާއްވައިފިއެވެ.
މި މުބާރާތް ފެށިފައި ވަނީ ރަމަޟާން މަހުގެ ފަސްވަނަ ދުވަހު ، 22 ފެބުރުއަރީ ވީ އާދިއްތަ ދުވަހުއެވެ. މިއީ ދިވެހިރާއްޖޭގެ ގައުމީ ޔުނިވާސިޓީގެ، ފެކަލްޓީ އޮފް އެޑިޔުކޭޝަންގައި ކިޔަވަމުން އަންނަ ދަރިވަރުންނަށް ޚާއްސަކޮށްގެން، އެފެކަލްޓީގައި ކިޔަވަމުން އަންނަ ހުރިހާ ދަރިވަރުންނަށްވެސް ބައިވެރި ވެވޭނޭހެން މުނިފޫހިފިލުވުމުގެ ގޮތުން ބޭއްވޭ ސުވާލު މަބާރާތެކެވެ.
މުބާރާތް ކުރިޔަށް ދަނީ ފެސާގެ ދަރިވަރުން ހިމެނޭހެން ހެދިފައިވާ ވައިބަރ ގްރޫޕެއް ކަމަށްވާ، ”ފެސާ އެންޓަރޓެއިންމަންޓް“ ގްރޫޕުގައެވެ. ކޮންމެ ދުވަހަކުވެސް މި ގްރޫޕު މެދުވެރިކޮށް ސުވާލު އާއްމު ކުރެވޭނެއެވެ. މިސުވާލުތަކުގެ ޖަވާބު ފޮނުވާނީ ފެސާގެ ހިންގާ ކޮމިޓީއިން ކަނޑައަޅާފައިވާ މެމްބަރަކަށް ވައިބަރ އިން ޕްރައިވެޓް މެސެޖަކުންނެވެ. ޖަވާބު ފޮނުވުމުގެ ސުންގަޑި އަކީ ސުވާލު އާއްމުކުރާ ދުވަހުގެ ރޭ 18:00 މިނެޓެވެ. ޖަވާބު ފޮނުވުމަށް ކަނޑައެޅިވައިވާ ވަގުތު ހަމަވުމުން ރަނގަޅު ޖަވާބު އާއްމު ކުރެވިގެން ދާނެއެވެ.
ރަމަޟާން މަސް ނިމުމުން މި މުބާރާތުގައި އެންމެ ގިނަ ޖަވާބު ދިމާކުރާ ބައިވެރިއަކަށް ކަނޑައެޅިފައިވާ އިނާމު ހަވާލު ކުރެވިގެންދާނެއެވެ.
މިއީ ފެސާއިން ރަމަޟާން މަހަށް ޙާއްސަކޮށްގެން ކެންޑިނޭޅި މި މުބާރާތް ކުރިއަށް ގެންދަ ތިންވަނަ އަހަރެވެ.
